Nursultan Nazarbaev Sooronbai Jeenbekovke Qyrǵyz Respýblikasynyń Prezidenti bolyp sailanýyna bailanysty quttyqtaý jedelhatyn joldady, dep habarlaidy Aqordanyń baspasóz qyzmeti.
Qazaqstan Prezidenti jedelhatta Sooronbai Jeenbekovtiń basshylyǵymen Qyrǵyzstan óziniń qarqyndy damý jolynda jańa tabystarǵa jetetinine senim bildirdi.
«Qazaqstan men Qyrǵyzstan arasyndaǵy ózara tiimdi yntymaqtastyqqa negizdelgen qarym-qatynas elderimizdiń igiligi úshin odan ári dami túsedi dep senemin.
Sizge zor densaýlyq, jaýapty memlekettik qyzmetińizde tabys, al baýyrlas qyrǵyz halqyna beibit ómir men baq-bereke tileimin», - delingen jedelhatta.
