Nursultan Nazarbaev Saýd Arabiiasy Koroldiginiń Ishki ister ministri Ábdel Áziz ben Saýd ben Naifpen kezdesti, dep habarlaidy Aqordanyń baspasóz qyzmeti.
Memleket basshysy Qazaqstan men Saýd Arabiiasy Koroldigi arasynda ornyqqan memleketaralyq yntymaqtastyqtyń mańyzdylyǵy erekshe ekenin atap ótti.
- Biyl biz táýelsizdigimizdiń 26 jyldyǵyn atap ótýdemiz. Osy kezeń ishinde Saýd Arabiiasymen baýyrlastyq qarym-qatynastar ornatý úshin barlyq sharalardy atqaryp kelemiz. Elordamyz Astanany salýǵa qoldaý kórsetkenderińiz úshin sizderge rizashylyq bildiremiz, - dedi Qazaqstan Prezidenti.
Sonymen qatar, Nursultan Nazarbaev jahandyq terrorizm men ekstremizm qaýip tóndirip turǵan kezde eki eldiń quqyq qorǵaý organdary arasynda bailanystar ornatýdyń mańyzdy ekenin atap ótti.
Saýd Arabiiasy Koroldiginiń Ishki ister ministri Memleket basshysyna Saýd Arabiiasynyń Koroli Salman ben Ábdel Áziz Ál Saýdtyń sálemin jetkizip, elderiniń ekijaqty tabysty yntymaqtastyqty odan ári nyǵaitýǵa jáne damytýǵa nietti ekenin aitty.
