Qazaqstan Prezidenti Memlekettik hatshy Baqytjan Saǵyntaevty qabyldady, dep habarlaidy Aqordanyń baspasóz qyzmeti.
"Kezdesýde Memleket basshysyna Prezident janyndaǵy konsýltativtik-keńesshi organdardyń qazirgi jumystary jóninde baiandalyp, ulttyq jáne memlekettik meiramdardy merekeleýge daiyndyq barysy týraly málimet berildi", - delingen habarlamada.
Qasym-Jomart Toqaev Memlekettik hatshyǵa «Nur Otan» partiiasynyń sezinde aitylǵan barlyq tapsyrmalardyń oryndalýyna, strategiialyq baǵdarlamalar men bastamalardyń júzege asyrylýyna tiisti baqylaý jasaýdy tapsyrdy.
Sondai-aq, Qazaqstan Prezidenti Ulttyq bank tóraǵasy Erbolat Dosaevty qabyldady.
Kezdesýde Qasym-Jomart Toqaevqa elimizdiń valiýta-qarjy naryǵyndaǵy ahýaly men altyn-valiýta qorynyń jaǵdaiy týraly málimdeldi.
Sonymen qatar, Memleket basshysyna infliatsiianyń tómen deńgeiin ustap turýǵa jáne valiýta aiyrbastaý oryndaryndaǵy alyp-satarlyq operatsiialardyń aldyn alýǵa baǵyttalǵan aqsha-nesie saiasatyn júzege asyrý jónindegi jumystardyń nátijeleri men aldaǵy ýaqytta atqarylatyn sharalar týraly baiandaldy.
Kezdesý qorytyndysy boiynsha Qazaqstan Prezidenti Ulttyq bank tóraǵasyna valiýta naryǵynyń, bank sektorynyń jáne qarjy naryǵynyń basqa da segmentterindegi ahýaldyń turaqtylyǵyn qamtamasyz etýdi tapsyrdy.
Kelesi kezekte Qasym-Jomart Toqaev Qorǵanys ministri Nurlan Ermekbaevty qabyldady.
Kezdesý barysynda Memleket basshysyna elimizdiń Qarýly Kúshteriniń qazirgi jaǵdaiy men ministrlik qyzmetiniń strategiialyq baǵyttary týraly málimdeldi.
Nurlan Ermekbaev Qazaqstan Prezidentine armiianyń qorǵanys qabiletin arttyrý jáne áskerdi qarý-jaraqpen qamtamasyz etý úshin qabyldanyp jatqan sharalar týraly baiandady.
Kezdesý qorytyndysy boiynsha Qasym-Jomart Toqaev birqatar naqty tapsyrma berdi.
Keiin Qazaqstan Prezidenti Ishki ister ministri Erlan Turǵymbaevty qabyldady.
Memleket basshysyna vedomstvonyń qazirgi qyzmeti, sondai-aq elimizde quqyqtyq tártipti qamtamasyz etý úshin qabyldanyp jatqan sharalar týraly esep berildi.
Sonymen birge, Erlan Turǵymbaev Qasym-Jomart Toqaevqa ishki ister organdaryn reformalaý jáne ministrliktiń jeke quramyn kezekten tys attestatsiiadan ótkizýge ázirlik barysy jóninde baiandady.
Kezdesý qorytyndysy boiynsha Qazaqstan Prezidenti birqatar naqty tapsyrma berdi.
