Qasym-Jomart Toqaev Túrki keńesi sammitiniń aiasynda Majarstannyń Premer-Ministri Viktor Orbanmen kelissóz júrgizdi, dep habarlaidy Aqordanyń baspasóz qyzmeti.
Kezdesý barysynda eki eldiń basshylary saýda-ekonomikalyq, investitsiialyq, mádeni-gýmanitarlyq salalardaǵy qazaq-majar yntymaqtastyǵynyń damý perspektivalaryn talqylady. Pandemiiaǵa qarsy kúres sharalary men klimattyń ózgerýine qatysty máseleler qozǵaldy. Sondai-aq olar aimaqtyq kún tártibindegi ózekti máseleler, onyń ishinde Aýǵanstandaǵy jaǵdai jóninde pikir almasty.
Qasym-Jomart Toqaev Viktor Orbanǵa iltipat bildirip, Qazaqstan men Majarstan arasyndaǵy ekijaqty qatynastardyń damýyn joǵary baǵalady jáne ártúrli deńgeidegi ózara bailanystardyń qarqyndy damyp kele jatqanyn atap ótti.
– Qazaqstanda Majarstandy jaqsy biledi jáne oǵan qurmetpen qaraidy. Bizdiń Ortalyq Eýropadaǵy alǵashqy elshiligimiz Býdapesht qalasynda ashyldy. Yntymaqtastyǵymyzdyń áleýeti zor. Sondyqtan bizdiń ortaq mindetimiz vedomstvolarymyz ben úkimetterimizdi alǵa umtylýǵa, onyń ishinde ekonomika baǵytynda ilgerileýge, sondai-aq BUU jáne EQYU siiaqty halyqaralyq uiymdar aiasynda yqpaldastyq jasaýǵa yntalandyrý dep oilaimyn, – dedi Memleket basshysy.
Óz kezeginde Majarstannyń Premer-Ministri eki el halyqtarynyń tarihi tyǵyz bailanystaryn atap ótti.
Kezdesý sońynda Viktor Orban Qazaqstan Prezidentin keler jyly Majarstanǵa saparmen kelýge shaqyrdy.
