قاسىم-جومارت توقاەۆ تٷركٸ كەڭەسٸ سامميتٸنٸڭ اياسىندا ماجارستاننىڭ پرەمەر-مينيسترٸ ۆيكتور وربانمەن كەلٸسسٶز جٷرگٸزدٸ, دەپ حابارلايدى اقوردانىڭ باسپاسٶز قىزمەتٸ.
كەزدەسۋ بارىسىندا ەكٸ ەلدٸڭ باسشىلارى ساۋدا-ەكونوميكالىق, ينۆەستيتسييالىق, مەدەني-گۋمانيتارلىق سالالارداعى قازاق-ماجار ىنتىماقتاستىعىنىڭ دامۋ پەرسپەكتيۆالارىن تالقىلادى. پاندەميياعا قارسى كٷرەس شارالارى مەن كليماتتىڭ ٶزگەرۋٸنە قاتىستى مەسەلەلەر قوزعالدى. سونداي-اق ولار ايماقتىق كٷن تەرتٸبٸندەگٸ ٶزەكتٸ مەسەلەلەر, ونىڭ ٸشٸندە اۋعانستانداعى جاعداي جٶنٸندە پٸكٸر الماستى.
قاسىم-جومارت توقاەۆ ۆيكتور وربانعا ٸلتيپات بٸلدٸرٸپ, قازاقستان مەن ماجارستان اراسىنداعى ەكٸجاقتى قاتىناستاردىڭ دامۋىن جوعارى باعالادى جەنە ەرتٷرلٸ دەڭگەيدەگٸ ٶزارا بايلانىستاردىڭ قارقىندى دامىپ كەلە جاتقانىن اتاپ ٶتتٸ.
– قازاقستاندا ماجارستاندى جاقسى بٸلەدٸ جەنە وعان قۇرمەتپەن قارايدى. بٸزدٸڭ ورتالىق ەۋروپاداعى العاشقى ەلشٸلٸگٸمٸز بۋداپەشت قالاسىندا اشىلدى. ىنتىماقتاستىعىمىزدىڭ ەلەۋەتٸ زور. سوندىقتان بٸزدٸڭ ورتاق مٸندەتٸمٸز ۆەدومستۆولارىمىز بەن ٷكٸمەتتەرٸمٸزدٸ العا ۇمتىلۋعا, ونىڭ ٸشٸندە ەكونوميكا باعىتىندا ٸلگەرٸلەۋگە, سونداي-اق بۇۇ جەنە ەقىۇ سيياقتى حالىقارالىق ۇيىمدار اياسىندا ىقپالداستىق جاساۋعا ىنتالاندىرۋ دەپ ويلايمىن, – دەدٸ مەملەكەت باسشىسى.
ٶز كەزەگٸندە ماجارستاننىڭ پرەمەر-مينيسترٸ ەكٸ ەل حالىقتارىنىڭ تاريحي تىعىز بايلانىستارىن اتاپ ٶتتٸ.
كەزدەسۋ سوڭىندا ۆيكتور وربان قازاقستان پرەزيدەنتٸن كەلەر جىلى ماجارستانعا ساپارمەن كەلۋگە شاقىردى.
