Qazaqstan Prezidenti Mańǵystaý oblysynyń ákimi Serikbai Trumovty qabyldady, dep habarlaidy "Ult aqparat" Aqordaǵa silteme jasap.
Memleket basshysyna Mańǵystaý oblysynyń negizgi áleýmettik-ekonomikalyq damý kórsetkishteri, Jańaózen qalasyn keshendi damytý jospary jáne memlekettik baǵdarlamalardyń oryndalýy jóninde esep berildi.
Qasym-Jomart Toqaev ónerkásiptik óndiris kóleminiń azaiýy men óńirge tikelei tartylatyn investitsiia qarqynyn tómendetpeý keregin atap ótti. Sondai-aq, Prezident halyqtyń turmysy tómen toptaryn qoldaý, turǵyn úi, sonyń ishinde, «Baqytty otbasy» baǵdarlamalarynyń oryndalý máselelerin oblys basshylyǵy turaqty ári muqiiat baqylaýda ustaýy qajet ekenin aitty.
Kezdesý sońynda Qazaqstan Prezidenti Mańǵystaý oblysyn odan ári damytý jóninde birqatar naqty tapsyrma berdi.
