Memleket basshysy Qyzylorda oblysyna jumys sapary aiasynda 2017 jyly paidalanýǵa berilgen mekemeniń jumysymen, ondaǵy balalardy emdeý jáne saýyqtyrý úshin alynǵan zamanaýi meditsinalyq qurylǵylardyń jumysymen tanysty, dep habarlaidy "Ult aqparat" Aqordaǵa silteme jasap.
Sonymen qatar, Qasym-Jomart Toqaev balalar aýrýxanasynyń meditsinalyq qyzmet kórsetetin kabinetterin aralap kórip, dárigerlermen áńgimelesti.
Erkin áńgimelesý barysynda Qazaqstan Prezidenti bala densaýlyǵyn jaqsartý isi memlekettiń mańyzdy mindetteriniń biri ekenin atap ótip, bul baǵyttaǵy jumystar jandana túsetinin aitty.
– Sizderdiń kúndelikti jumystaryńyzdyń ońai emes ekenin jaqsy bilemin. Balalardy emdep, halyqtyń alǵysyna bólenip júrsizder. Eńbekterińiz elene bersin! – dedi Memleket basshysy.
Sońynda Qasym-Jomart Toqaev meditsina mekemesi ujymynyń jumysyna tabys tiledi.
***
Balalarǵa kásibi, statsionarlyq jáne diagnostikalyq kómek kórsetýge baǵyttalǵan aýrýxananyń jalpy aýmaǵy 24436 sharshy metr. Meditsinalyq mekemede xirýrgiia, terapiia, zertteý júrgizý, ota jasaý bloktary, sáýlemen emdeý jáne fizioterapiia bólimsheleri bar. Uiymda 500-den astam personal qyzmet etedi.
Sondai-aq, Qazaqstan Prezidenti «Jan-Arai» kúrish óńdeý isine mamandandyrylǵan agroindýstriialyq kesheninde bolyp, onyń jumysymen tanysty.
Qasym-Jomart Toqaevqa zaýyttyń negizgi shyǵaratyn ónimine qatysty málimet berildi.
Sonymen qatar, Memleket basshysy aýyl sharýashylyǵy taýarlaryn óndirýshilermen áńgimelesip, bul salany órkendetýdiń basty baǵyttaryn atap kórsetti.
– Aýyl sharýashylyǵy – áleýeti óte zor, strategiialyq mańyzdy sala. Bul saladaǵy máselelerdi jaqsy bilemiz. Memleket olardy sheshýdiń barlyq múmkindikterin qarastyrady, – dedi Prezident.
Sońynda Qasym-Jomart Toqaev óńir eńbekkerlerine zor tabys tiledi.
