Foto: Aqorda
Qazaqstan Prezidenti Bakýdegi Klimat sammitinde qazirgi tańda álemde ózekti taqyrypqa ainalǵan sý resýrstaryna qatysty problemaǵa toqtaldy. Jáne Ilham Álievtiń Kaspii mańy memleketteriniń sarapshylar tobyn qurý týraly usynysyn qoldaitynyn aitty, -dep habarlaidy ULT.KZ."Biyl elimiz alapat sý tasqynymen betpe-bet keldi. Keleshekte osyndai tótenshe jaǵdailar kezinde jedel áreket etip, odan keiingi qaita qalpyna keltirý jumystaryn tez atqarý úshin qaýip-qaterdi basqarýdyń keshendi júiesin engizemiz. Sý máselesine jahan nazaryn aýdarý maqsatynda biyl jeltoqsan aiynda Frantsiiamen birlesip One Water sammitin ótkizemiz. Forýmǵa qatysýshylar sý resýrstaryn jahandyq deńgeide basqarý máselelerin talqylaidy", -deidi Prezident.
Odan bólek memleket basshysy “Klimattyq qarjylandyrý boiynsha jańa ujymdyq maqsat” NCQG aiasynda tabiǵat ózgerisine osal aimaqtarǵa, ásirese teńizge shyǵatyn joly joq damýshy elderge airyqsha mán berilýi ekenine toqtaldy.
