Qazir jyl saiyn elimizde 400 myńnan artyq sábi dúnie esigin ashady. Halqymyz 1 shildede 18 mln bolady dep jariialaimyn. Bul týraly Táýelsizdik saraiynda ótip jatqan dúniejúzi qazaqtarynyń V quryltaiynda Memleket basshysy Nursultan Nazarbaev málimdedi, dep habarlaidy "Ult aqparat".
Elbasy aldymen táýelsizdik alǵan tusta eldegi demografiialyq jaǵdai óte aýyr bolǵanyn atap ótti.
«1991 jyly men táýelsizdik jariialaǵan kezde qazaqtyń úlesi 40%-dan asar-aspas bolatyn. Sondaǵy oilanǵan nárse sailaýǵa túsken kezde qansha daýys alar edim dep qinaldym. Qazir qazaqtyń sany 70% asty», - dedi ol.
Keiin Qazaqstan prezidenti jaǵdaidyń jaqsara bastaǵanyn alǵa tartty.
«Táýelsizdik alǵan kezde 17 mln halyq bolǵan. Degenmen túrli tarihi jaǵdaiǵa bailanysty elimizge qonystanǵan basqa ult ókilderi ózderiniń atamekenine kóship ketip, 14 mln bolyp qaldyq. Qudaiǵa shúkir qazir jaǵdaidyń jaqsarýyna bailanysty elimiz kóbeiip keledi. Eger de bastapqy kezde 200 myńnan astam bala dúniege keletin bolsa, qazir jyl saiyn 400 myńnan artyq sábi dúnie esigin ashady. 1 shildede bizdiń halqymyz 18 mln boldy dep jariialaimyn», - dedi Elbasy.
