Qazaqstan Prezidenti BUU Bas hatshysymen kezdesti, dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaev Niý-Iorkke jumys saparynyń sońynda BUU Bas hatshysy Antoniý Gýterrishpen kelissóz júrgizdi.
Konstrýktivti jáne dostyq jaǵdaiynda ótken kezdesýde Qazaqstan men BUU arasyndaǵy yntymaqtastyqty nyǵaitýdyń jai-kúii men perspektivalary talqylandy.
Sondai-aq qazirgi zamannyń ózekti syn-qaterlerin sheshýdiń ujymdyq ádisterin ázirleýge baǵyttalǵan kúsh-jigerge erekshe nazar aýdaryldy.
Qasym-Jomart Toqaev Antoniý Gýterrishtiń BUU Bas hatshysy laýazymyndaǵy qyzmetin joǵary baǵalap, onyń 2023 jyly «Bolashaq sammitin» shaqyrý týraly bastamasyn tolyq qoldaitynyn jetkizdi. Prezident osy mańyzdy jiynnyń qorytyndysy Ornyqty damý maqsattaryn júzege asyrýǵa yqpal etetinine senim bildirdi.
Budan bólek, taraptar Memleket basshysynyń Almaty qalasynda Ortalyq Aziia men Aýǵanstan úshin Ornyqty damý maqsattary jónindegi BUU habyn qurý bastamasynyń júzege asyrylý barysyn qarastyrdy. BUU Bas hatshysy bul mańyzdy bastamany qoldaitynyn aitty.
Kezdesý sońynda Qasym-Jomart Toqaev Antoniý Gýterrishti Qazaqstanǵa saparmen kelýge shaqyrdy.
