Qazaqstan Prezidenti Qasym-Jomart Toqaev Belarýs Respýblikasy Qaýipsizdik keńesiniń Memlekettik hatshysy Stanislav Zasti qabyldady, – dep habarlaidy Ult aqparat Aqordaǵa silteme jasap.
Qasym-Jomart Toqaev Qazaqstan astanasyna kelgen Stanislav Zasqa iltipat bildirip, Ujymdyq qaýipsizdik shart uiymynyń óńirde beibitshilik pen qaýipsizdikti saqtaýda mańyzy zor ekenin atap ótti. Sondai-aq, Qazaqstan Ujymdyq qaýipsizdik shart uiymynyń Bas hatshysy laýazymyna Belarýstiń kandidatýrasyn basynan bastap qoldaǵanyn aitty.
«Ujymdyq qaýipsizdik shart uiymy halyqaralyq uiym retinde Eýraziia qurlyǵynyń aýqymdy keńistiginde qaýipsizdikti qamtamasyz etýdiń eleýli faktoryna ainalyp, nyǵaidy. Ujymdyq qaýipsizdik shart uiymy biz úshin - mańyzdy uiym. Belarýs siiaqty biz de ony damytýǵa zor úles qostyq. Ujymdyq qaýipsizdik shart uiymynyń Parlament Assambleiasynda belsendi jumys isteimiz. Sizdiń aldaǵy ýaqyttaǵy taǵaiyndalýyńyz uiymnyń áleýetin nyǵaitý turǵysynan mańyzdy ról atqarady» dedi Qazaqstan Prezidenti.
Stanislav Zas Qasym-Jomart Toqaevqa kezdeskeni úshin alǵys aityp, sailaýdaǵy jeńisimen jáne Qazaqstan Respýblikasynyń Prezidenti qyzmetine kirisýimen quttyqtady.
«Qazaqstan halqy Siz siiaqty jan-jaqty ári mol tájiribesi bar memleket qairatkeri bolyp qalyptasqan aqyldy adamdy durys tańdady. Qazaqstannyń igiligi jolyndaǵy barlyq isińizge tabys tileimin. Biz memleketterimiz ben halyqtarymyz arasynda qalyptasqan dostyq qatynastardy joǵary baǵalaimyz jáne Qazaqstannyń halyqaralyq alańdarda, sonyń ishinde Ujymdyq qaýipsizdik shart uiymynda Belarýske kórsetken qoldaýy úshin rizashylyǵymyzdy bildiremiz. Ózara paidaly is-qimyldardy nyǵaita berýge tyrysamyz» dedi Stanislav Zas.
