قازاقستان پرەزيدەنتٸ قاسىم-جومارت توقاەۆ بەلارۋس رەسپۋبليكاسى قاۋٸپسٸزدٸك كەڭەسٸنٸڭ مەملەكەتتٸك حاتشىسى ستانيسلاۆ زاستٸ قابىلدادى, – دەپ حابارلايدى ۇلت اقپارات اقورداعا سٸلتەمە جاساپ.
قاسىم-جومارت توقاەۆ قازاقستان استاناسىنا كەلگەن ستانيسلاۆ زاسقا ٸلتيپات بٸلدٸرٸپ, ۇجىمدىق قاۋٸپسٸزدٸك شارت ۇيىمىنىڭ ٶڭٸردە بەيبٸتشٸلٸك پەن قاۋٸپسٸزدٸكتٸ ساقتاۋدا ماڭىزى زور ەكەنٸن اتاپ ٶتتٸ. سونداي-اق, قازاقستان ۇجىمدىق قاۋٸپسٸزدٸك شارت ۇيىمىنىڭ باس حاتشىسى لاۋازىمىنا بەلارۋستٸڭ كانديداتۋراسىن باسىنان باستاپ قولداعانىن ايتتى.
«ۇجىمدىق قاۋٸپسٸزدٸك شارت ۇيىمى حالىقارالىق ۇيىم رەتٸندە ەۋرازييا قۇرلىعىنىڭ اۋقىمدى كەڭٸستٸگٸندە قاۋٸپسٸزدٸكتٸ قامتاماسىز ەتۋدٸڭ ەلەۋلٸ فاكتورىنا اينالىپ, نىعايدى. ۇجىمدىق قاۋٸپسٸزدٸك شارت ۇيىمى بٸز ٷشٸن - ماڭىزدى ۇيىم. بەلارۋس سيياقتى بٸز دە ونى دامىتۋعا زور ٷلەس قوستىق. ۇجىمدىق قاۋٸپسٸزدٸك شارت ۇيىمىنىڭ پارلامەنت اسسامبلەياسىندا بەلسەندٸ جۇمىس ٸستەيمٸز. سٸزدٸڭ الداعى ۋاقىتتاعى تاعايىندالۋىڭىز ۇيىمنىڭ ەلەۋەتٸن نىعايتۋ تۇرعىسىنان ماڭىزدى رٶل اتقارادى» دەدٸ قازاقستان پرەزيدەنتٸ.
ستانيسلاۆ زاس قاسىم-جومارت توقاەۆقا كەزدەسكەنٸ ٷشٸن العىس ايتىپ, سايلاۋداعى جەڭٸسٸمەن جەنە قازاقستان رەسپۋبليكاسىنىڭ پرەزيدەنتٸ قىزمەتٸنە كٸرٸسۋٸمەن قۇتتىقتادى.
«قازاقستان حالقى سٸز سيياقتى جان-جاقتى ەرٸ مول تەجٸريبەسٸ بار مەملەكەت قايراتكەرٸ بولىپ قالىپتاسقان اقىلدى ادامدى دۇرىس تاڭدادى. قازاقستاننىڭ يگٸلٸگٸ جولىنداعى بارلىق ٸسٸڭٸزگە تابىس تٸلەيمٸن. بٸز مەملەكەتتەرٸمٸز بەن حالىقتارىمىز اراسىندا قالىپتاسقان دوستىق قاتىناستاردى جوعارى باعالايمىز جەنە قازاقستاننىڭ حالىقارالىق الاڭداردا, سونىڭ ٸشٸندە ۇجىمدىق قاۋٸپسٸزدٸك شارت ۇيىمىندا بەلارۋسكە كٶرسەتكەن قولداۋى ٷشٸن ريزاشىلىعىمىزدى بٸلدٸرەمٸز. ٶزارا پايدالى ٸس-قيمىلداردى نىعايتا بەرۋگە تىرىسامىز» دەدٸ ستانيسلاۆ زاس.
