Memleket basshysy Qasym-Jomart Toqaev Aýǵanstan Prezidenti Ashraf Ǵaniǵa kóńil aitý jedelhatyn joldady, dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaev Logar provintsiiasynyń Pýli-Alam qalasynda jáne el astanasy Kabýlda bolǵan terroristik shabýyldardyń saldarynan kóptegen adamnyń, ásirese, beikúná balalardyń qaza tapqany týraly aqparatty zor kúizelispen qabyl aldy.
– Sizdiń elińizdiń jáne búkil halyqaralyq qaýymdastyqtyń osy jantúrshigerlik qylmysty batyl aiyptaýyna qosylamyn. Qazaqstan osyndai qiyn-qystaý sátte aýǵan halqymen birge ekenin rastaidy. Qazaqstan halqynyń jáne jeke óz atymnan qaza tapqandardyń otbasylaryna qaiǵysyna ortaqtasyp kóńil aitamyn. Sondai-aq jaraqat alǵan azamattardyń tezirek saýyǵyp ketýine tilektespin, – delingen jedelhatta.
