Qazaqstan Prezidenti «Astana Iýtariia Ltd» óndiristik-innovatsiialyq kompaniiasyna bardy, dep habarlaidy "Ult aqparat" Aqordaǵa silteme jasap.
Qasym-Jomart Toqaev kásibi tigin jabdyqtaryn qurastyrýmen ári jetkizýmen ainalysatyn, arnaiy kiimder men basqa da turmystyq jáne tehnikalyq buiymdar shyǵaratyn mekemeniń jumysymen tanysty.
Prezident shyǵarylatyn ónimderdiń sapasy men suranysqa ie bolýyn oń baǵalap, kompaniianyń eksporttyq áleýetine nazar aýdardy.
Qasym-Jomart Toqaev mekeme qyzmetkerlerimen áńgimelesý barysynda olardyń eńbeginiń elimiz úshin mańyzdy ekenin aitty. Sondai-aq ol memlekettiń halyqtyń áleýmettik álsiz toptaryna qoldaý kórsetetinin jáne osyndai jandar úshin jumys oryndaryn ashatyn mekemelerge árqashan kómek beretinin atap ótti.
– Sizderdiń fabrikalaryńyzdy úlken qyzyǵýshylyqpen aralap shyqtym. Shyn máninde, bul qajetti ári ozyq ónim shyǵaratyn jáne jaqsy jabdyqtalǵan áleýmettik-jaýapty kásiporyn. Eń bastysy, munda sizder siiaqty ismer adamdar jumys isteidi, – dedi Qasym-Jomart Toqaev.
Mekeme qyzmetkerleri fabrikaǵa kelgeni úshin Memleket basshysyna alǵys aityp, onyń memlekettik qyzmetine tabys tiledi. Jalpy mekemede 460 adam jumys isteidi, sonyń ishinde 45-i halyqtyń áleýmettik álsiz tobyna jatady.
