قازاقستان پرەزيدەنتٸ «Astana يۋتارييا Ltd» ٶندٸرٸستٸك-يننوۆاتسييالىق كومپانيياسىنا باردى, دەپ حابارلايدى "ۇلت اقپارات" اقورداعا سٸلتەمە جاساپ.
قاسىم-جومارت توقاەۆ كەسٸبي تٸگٸن جابدىقتارىن قۇراستىرۋمەن ەرٸ جەتكٸزۋمەن اينالىساتىن, ارنايى كيٸمدەر مەن باسقا دا تۇرمىستىق جەنە تەحنيكالىق بۇيىمدار شىعاراتىن مەكەمەنٸڭ جۇمىسىمەن تانىستى.
پرەزيدەنت شىعارىلاتىن ٶنٸمدەردٸڭ ساپاسى مەن سۇرانىسقا يە بولۋىن وڭ باعالاپ, كومپانييانىڭ ەكسپورتتىق ەلەۋەتٸنە نازار اۋداردى.
قاسىم-جومارت توقاەۆ مەكەمە قىزمەتكەرلەرٸمەن ەڭگٸمەلەسۋ بارىسىندا ولاردىڭ ەڭبەگٸنٸڭ ەلٸمٸز ٷشٸن ماڭىزدى ەكەنٸن ايتتى. سونداي-اق ول مەملەكەتتٸڭ حالىقتىڭ ەلەۋمەتتٸك ەلسٸز توپتارىنا قولداۋ كٶرسەتەتٸنٸن جەنە وسىنداي جاندار ٷشٸن جۇمىس ورىندارىن اشاتىن مەكەمەلەرگە ەرقاشان كٶمەك بەرەتٸنٸن اتاپ ٶتتٸ.
– سٸزدەردٸڭ فابريكالارىڭىزدى ٷلكەن قىزىعۋشىلىقپەن ارالاپ شىقتىم. شىن مەنٸندە, بۇل قاجەتتٸ ەرٸ وزىق ٶنٸم شىعاراتىن جەنە جاقسى جابدىقتالعان ەلەۋمەتتٸك-جاۋاپتى كەسٸپورىن. ەڭ باستىسى, مۇندا سٸزدەر سيياقتى ٸسمەر ادامدار جۇمىس ٸستەيدٸ, – دەدٸ قاسىم-جومارت توقاەۆ.
مەكەمە قىزمەتكەرلەرٸ فابريكاعا كەلگەنٸ ٷشٸن مەملەكەت باسشىسىنا العىس ايتىپ, ونىڭ مەملەكەتتٸك قىزمەتٸنە تابىس تٸلەدٸ. جالپى مەكەمەدە 460 ادام جۇمىس ٸستەيدٸ, سونىڭ ٸشٸندە 45-ٸ حالىقتىڭ ەلەۋمەتتٸك ەلسٸز توبىنا جاتادى.
