Qazaqstan Prezidenti Qasym-Jomart Toqaev ARES PetroTechnic joǵary kolledjine bardy, dep habarlaidy "Ult aqparat" Aqordaǵa silteme jasap.
Memleket basshysy kolledjdiń oqý korpýsyn, laboratoriialaryn, sheberhanalaryn, kitaphanasy men jataqhanasyn aralap kórdi.
Qazaqstan Prezidentine halyqaralyq standarttar men álemdik ozyq tájiribeni, sondai-aq, sheteldik jáne otandyq munai-gaz kompaniialarynyń talaptaryn eskere otyryp ázirlengen innovatsiialyq bilim baǵdarlamalaryn paidalaný APEC PetroTechnic kolledjiniń basty ereksheligi ekeni baiandaldy.
Tájiribege negizdelgen oqytý barysynda shynaiy óndiristik úderister jasalady. Sonyń arqasynda túlekter kolledj bitirgen soń, birden óndiristegi kúrdeli mindetterdi tabysty atqara alady.
Stýdenttermen jáne oqytýshylar ujymymen áńgimelesý barysynda Qasym-Jomart Toqaev iri halyqaralyq munai-gaz kompaniialary úshin mamandardy shetelde emes, Qazaqstanda daiarlaýdyń mańyzdylyǵyn aitty. Onyń pikirinshe bul úshin kolledjde barlyq jaǵdai jasalǵan.
