QR Prezidenti Qasym-Jomart Toqaev AQSh-ta Prezident sailaýynan keiin oryn alǵan ahýalǵa qatysty pikir bildirdi, dep habarlaidy "Ult aqparat".
«Álbette, búkil álem siiaqty Qazaqstan da Amerika Qurama Shtattarynda oryn alǵan jaitty jiti baqylap otyr. Sailanǵan Prezident Djo Baiden jasaǵan qorytyndymen kelisý qajet dep sanaimyn. Amerikalyq demokratiianyń qamaly – Kapitoliiany basyp alý zańsyzdyq ekstremizm ekendigi sózsiz. Zańsyzdyq pen ekstremizmge qatysty tiisti shara qoldanylýy tiis. AQSh Prezidenti Djo Baiden jasaǵan qorytyndy ózge de elderge qatysty qoldanylady dep úmittenemin. Jáne de bul qorytyndy ámbebap bolady», - dedi Qasym-Jomart Toqaev elordadaǵy Oqýshylar saraiynda ornalasqan №58 sailaý ýchaskesinde tańdaý jasaǵannan keiin BAQ ókilderine bergen suhbatynda.
Sonymen qatar Memleket basshysy Qazaqstan men AQSh arasyndaǵy qarym-qatynas turaqty dami túsetindigin basa aitty.
«AQSh 1991 jyly Qazaqstannyń táýelsizdigin moiyndaǵan alǵashqy elderdiń biri boldy. Sondyqtan bizdiń tarapymyzdan ózara qarym-qatynastarymyzda jinaqtalǵan barlyq pozitivti saqtaýǵa jáne alǵa jyljýǵa qajetti kúsh-jiger qabyldanady», - dedi QR Prezidenti.
