Foto: Polisia.kz
QR Premer-ministri Oljas Bektenovtiń tóraǵalyǵymen ótken quqyq buzýshylyqtardyń aldyn alý jónindegi vedomstvoaralyq komissiianyń otyrysynda ishki ister ministriniń orynbasary Igor Lepeha jańa jyldyq merekelerde azamattardyń qaýipsizdigin qamtamasyz etý boiynsha júrgizilip jatqan jumystar týraly baiandady, dep habarlaidy Ult.kz.
«23 jeltoqsannan bastap politsiia kúsheitilgen rejimde jumys isteýde. Jeke quramnyń sany ulǵaityldy, memlekettik jáne strategiialyq asa mańyzdy nysandardyń qaýipsizdigi kúsheitildi. Patrýldik marshrýttar qarý-jaraq dúkenderi men túzeý mekemelerine jaqyn ornalastyryldy.
Oiyn-saýyq oryndarynyń janynda qosymsha tártip jasaǵy qoiyldy. Rezervter daiyndyqqa keltirildi. Azamattardyń zańdy jáne qaýipsizdik sharalaryn saqtaýyn qamtamasyz etý maqsatynda aqparattyq naýqandar uiymdastyryldy», — dedi Igor Lepeha.
«Quqyqtyq tártip» jedel profilaktikalyq is-sharalar sheńberinde esepte turǵan tulǵalar, qarý ieleri, shetel azamattary tekserildi. «Shyrsha» jáne «Pirotehnika» jedel profilaktikalyq is-sharalary sheńberinde pysyqtaýlar bastaldy. Barlyq mereke kúnderi politsiia negizgi is-sharalar ótkiziletin oryndarda qyzmetkerlerdiń táýlik boiy kezekshiligin qamtamasyz etedi, tirshilikti qamtamasyz etý nysandarynyń qaýipsizdigin kúsheitedi, sondai-aq jedel shtabtardyń jumysy men jol qozǵalysyn qadaǵalaý uiymdastyrylady.
