Ishki ister ministrligi qoǵamda tártipti saqtap, joǵalyp ketkenderdi izdeý jumysyna volonterlardy tartqaly otyr, dep habarlaidy "Ult aqparat".
«Qazaqstan Respýblikasy Prezidentiniń Jarlyǵymen 2020 jyl - «Volonterlar jyly» bolyp jariialanǵany belgili. Qazaqstandyq politsiia halyqtyń belsendilerin qoǵamdyq tártipti saqtaý sharalaryna, onyń ishinde birlesip patrýl júrgizý jáne iz-túzsiz joǵalǵandardy izdeý úshin arnaiy quqyqtyq toptar qurý arqyly tartýdy josparlap otyr. Politsiiamen birge jumys isteitin eriktiler arnaiy kúrteshelermen, bailanys úshin radiostansalarmen qamtylady», - dep habarlaidy IIM-nen.
Qoǵamdy, onyń ishinde eriktiler qozǵalysyn quqyq qorǵaý, izdestirý qyzmetine tartý jáne ýchaskelik politsiia inspektorlaryna qylmystyń aldyn alýǵa kómektesý boiynsha ministr Erlan Turǵymbaevtyń bastamasy barlyq aimaqta júzege asyrylmaq. Qazirgi ýaqytta ministrlik joǵary oqý oryndarymen jáne jastar uiymdarymen kelissóz júrgizýde.
«28-shi qysqy qysqy Ýniversiada-2017 kezinde (3 myń adam), sondai-aq EXPO-2017 Halyqaralyq mamandandyrylǵan kórmesi (1 500 adam) ótken tusta ishki ister organdary eriktilermen ózara is-qimyl júrgizýdiń oń tájiribesin jolǵa qoiǵan edi. Halyqaralyq is-sharalar ótkizilgende eriktiler nysandarǵa taratylǵan bolatyn. Volonterlar meimandarmen jumys júrgizý daǵdysyn úirendi. Aýysym aldynda ártúrli ómirlik jaǵdailar men zańsyz áreketter kezdeskende kezdegi áreket etý nusqaýlyǵy úiretilgen edi. Politsiia men eriktilerdiń birlesken kúsh-jigeriniń arqasynda qylmystar men quqyqbuzýshylyqtardyń joly kesildi», - delingen habarlamada.
Ministrliktiń habarlaýynsha, qazirdiń ózinde volonterlar joǵalǵan balalar men qarttardy izdeý, rezonansty qylmystardy ashý isine belsene aralasyp, ártúrli jaǵdaida kómek qolyn sozýda.
«Máselen, jergilikti eriktiler politsiiaǵa Qaraǵandy oblysynyń Shet aýdanynda qyrkúiekte urlanǵan balany tabýǵa kómektesti. Qostanai oblysynda politsiia men eriktilerdiń birlesken jumysynyń arqasynda joǵalǵan 20-dan astam adam tabyldy. Olardyń arasynda balalar men jasóspirimder de bar. Volonterlar sonymen qatar, esirtki saittarynyń ataýlary turǵan jazalardy óshirýge kómektesip, esirtki qylmystarymen kúreste úlesterin qosyp keledi», - dep habarlaidy ministrlikten.
