ٸشكٸ ٸستەر مينيسترلٸگٸ قوعامدا تەرتٸپتٸ ساقتاپ, جوعالىپ كەتكەندەردٸ ٸزدەۋ جۇمىسىنا ۆولونتەرلاردى تارتقالى وتىر, دەپ حابارلايدى "ۇلت اقپارات".
«قازاقستان رەسپۋبليكاسى پرەزيدەنتٸنٸڭ جارلىعىمەن 2020 جىل - «ۆولونتەرلار جىلى» بولىپ جارييالانعانى بەلگٸلٸ. قازاقستاندىق پوليتسييا حالىقتىڭ بەلسەندٸلەرٸن قوعامدىق تەرتٸپتٸ ساقتاۋ شارالارىنا, ونىڭ ٸشٸندە بٸرلەسٸپ پاترۋل جٷرگٸزۋ جەنە ٸز-تٷزسٸز جوعالعانداردى ٸزدەۋ ٷشٸن ارنايى قۇقىقتىق توپتار قۇرۋ ارقىلى تارتۋدى جوسپارلاپ وتىر. پوليتسييامەن بٸرگە جۇمىس ٸستەيتٸن ەرٸكتٸلەر ارنايى كٷرتەشەلەرمەن, بايلانىس ٷشٸن راديوستانسالارمەن قامتىلادى», - دەپ حابارلايدى ٸٸم-نەن.
قوعامدى, ونىڭ ٸشٸندە ەرٸكتٸلەر قوزعالىسىن قۇقىق قورعاۋ, ٸزدەستٸرۋ قىزمەتٸنە تارتۋ جەنە ۋچاسكەلٸك پوليتسييا ينسپەكتورلارىنا قىلمىستىڭ الدىن الۋعا كٶمەكتەسۋ بويىنشا مينيستر ەرلان تۇرعىمباەۆتىڭ باستاماسى بارلىق ايماقتا جٷزەگە اسىرىلماق. قازٸرگٸ ۋاقىتتا مينيسترلٸك جوعارى وقۋ ورىندارىمەن جەنە جاستار ۇيىمدارىمەن كەلٸسسٶز جٷرگٸزۋدە.
«28-شٸ قىسقى قىسقى ۋنيۆەرسيادا-2017 كەزٸندە (3 مىڭ ادام), سونداي-اق EXPO-2017 حالىقارالىق مامانداندىرىلعان كٶرمەسٸ (1 500 ادام) ٶتكەن تۇستا ٸشكٸ ٸستەر ورگاندارى ەرٸكتٸلەرمەن ٶزارا ٸس-قيمىل جٷرگٸزۋدٸڭ وڭ تەجٸريبەسٸن جولعا قويعان ەدٸ. حالىقارالىق ٸس-شارالار ٶتكٸزٸلگەندە ەرٸكتٸلەر نىساندارعا تاراتىلعان بولاتىن. ۆولونتەرلار مەيماندارمەن جۇمىس جٷرگٸزۋ داعدىسىن ٷيرەندٸ. اۋىسىم الدىندا ەرتٷرلٸ ٶمٸرلٸك جاعدايلار مەن زاڭسىز ەرەكەتتەر كەزدەسكەندە كەزدەگٸ ەرەكەت ەتۋ نۇسقاۋلىعى ٷيرەتٸلگەن ەدٸ. پوليتسييا مەن ەرٸكتٸلەردٸڭ بٸرلەسكەن كٷش-جٸگەرٸنٸڭ ارقاسىندا قىلمىستار مەن قۇقىقبۇزۋشىلىقتاردىڭ جولى كەسٸلدٸ», - دەلٸنگەن حابارلامادا.
مينيسترلٸكتٸڭ حابارلاۋىنشا, قازٸردٸڭ ٶزٸندە ۆولونتەرلار جوعالعان بالالار مەن قارتتاردى ٸزدەۋ, رەزونانستى قىلمىستاردى اشۋ ٸسٸنە بەلسەنە ارالاسىپ, ەرتٷرلٸ جاعدايدا كٶمەك قولىن سوزۋدا.
«مەسەلەن, جەرگٸلٸكتٸ ەرٸكتٸلەر پوليتسيياعا قاراعاندى وبلىسىنىڭ شەت اۋدانىندا قىركٷيەكتە ۇرلانعان بالانى تابۋعا كٶمەكتەستٸ. قوستاناي وبلىسىندا پوليتسييا مەن ەرٸكتٸلەردٸڭ بٸرلەسكەن جۇمىسىنىڭ ارقاسىندا جوعالعان 20-دان استام ادام تابىلدى. ولاردىڭ اراسىندا بالالار مەن جاسٶسپٸرٸمدەر دە بار. ۆولونتەرلار سونىمەن قاتار, ەسٸرتكٸ سايتتارىنىڭ اتاۋلارى تۇرعان جازالاردى ٶشٸرۋگە كٶمەكتەسٸپ, ەسٸرتكٸ قىلمىستارىمەن كٷرەستە ٷلەستەرٸن قوسىپ كەلەدٸ», - دەپ حابارلايدى مينيسترلٸكتەن.
