2022-2024 jyldarǵa arnalǵan respýblikalyq biýdjette amerikalyq Pfizer vaktsinasyn satyp alýǵa 20 milliard teńge qarastyrylǵan, dep habarlaidy Sputnik Qazaqstan.
Úsh jyldyq biýdjetti naqtylaý aiasynda densaýlyq saqtaý ministrligi koronavirýsqa qarsy kúreske qosymsha 77 milliard teńge suratty. Onyń ishine vaktsina satyp alýǵa ketetin shyǵyn da kirgen.
Qarjy vitse-ministri Tatiana Saveleva májilis kýlýarynda Pfizer vaktsinasyn satyp alýǵa biýdjette 20 milliard teńge qarastyrylǵanyn naqtylady.
"Eger men qatelespesem, 2 million adamǵa vaktsinanyń eki komponentin salý úshin 20 milliard teńge bólinedi", - dedi Saveleva.
Osylaisha Qazaqstan Pfizer vaktsinasynyń bir dozasyna 5 myń teńge jumsaidy.
6 sáýirdegi jaǵdai boiynsha respýblikada 835 864 adam Pfizer vaktsinasyn saldyrdy.
