2022-2024 جىلدارعا ارنالعان رەسپۋبليكالىق بيۋدجەتتە امەريكالىق Pfizer ۆاكتسيناسىن ساتىپ الۋعا 20 ميلليارد تەڭگە قاراستىرىلعان, دەپ حابارلايدى Sputnik قازاقستان.
ٷش جىلدىق بيۋدجەتتٸ ناقتىلاۋ اياسىندا دەنساۋلىق ساقتاۋ مينيسترلٸگٸ كوروناۆيرۋسقا قارسى كٷرەسكە قوسىمشا 77 ميلليارد تەڭگە سۇراتتى. ونىڭ ٸشٸنە ۆاكتسينا ساتىپ الۋعا كەتەتٸن شىعىن دا كٸرگەن.
قارجى ۆيتسە-مينيسترٸ تاتيانا ساۆەلەۆا مەجٸلٸس كۋلۋارىندا Pfizer ۆاكتسيناسىن ساتىپ الۋعا بيۋدجەتتە 20 ميلليارد تەڭگە قاراستىرىلعانىن ناقتىلادى.
"ەگەر مەن قاتەلەسپەسەم, 2 ميلليون ادامعا ۆاكتسينانىڭ ەكٸ كومپونەنتٸن سالۋ ٷشٸن 20 ميلليارد تەڭگە بٶلٸنەدٸ", - دەدٸ ساۆەلەۆا.
وسىلايشا قازاقستان Pfizer ۆاكتسيناسىنىڭ بٸر دوزاسىنا 5 مىڭ تەڭگە جۇمسايدى.
6 سەۋٸردەگٸ جاعداي بويىنشا رەسپۋبليكادا 835 864 ادام Pfizer ۆاكتسيناسىن سالدىردى.
