Qazaqstan Pfizer vaktsinasynyń taǵy 300 myń dozasyn satyp alady. Bul týraly DSM Dári-dármek saiasaty departamentiniń direktory Baýyrjan Júsipov aitty, dep habarlaidy QazAqparat.
«Qazirgi ýaqytta Pfizer vaktsinasynyń qosymsha kólemin satyp alýǵa qatysty belsendi túrde kelissóz júrgizip jatyrmyz. Sóz shamamen 300 myń doza qosymsha kólem jaiynda bolyp otyr. Biraq, bul vaktsina halyqtyń maqsatty toby úshin satyp alynatyndyǵyn qaperde ustaǵan jón. Iaǵni, ol 20 jasqa deiingi balalarǵa arnalǵan. Buǵan qosa táýekel sanatyna kiretin adamdar bar. Sonymen qatar otandyq vaktsina da satyp alamyz», - dedi ol Ortalyq kommýnikatsiialar qyzmetindegi baspasóz máslihatynda BAQ ókilderiniń saýalyna orai.
Departament direktory astanaǵa otandyq QazVac vaktsinasy qosymsha satyp alynatyndyǵyn aitty.
«Biraq qai ýaqytta jetkiziletindigin aita almaimyn. Qajet bolǵan jaǵdaida bul vaktsinanyń qalǵan dozasy áli de bar», - dedi Baýyrjan Júsipov.
