Henley & Partners konsaltingilik kompaniiasy jyldaǵy dástúr boiynsha saiahat úshin yńǵaily ári eń tartymdy pasporttar reitingin jariialady, dep habarlaidy "Ult aqparat".
Henley Passport Index reitingi Halyqaralyq áýe kóligi qaýymdastyǵynyń (IATA) ekskliýzivti málimetterine negizdelgen. 199 eldiń tólqujaty men 227 týristik baǵytty qamtidy. Kez kelgen elde vizalyq saiasattyń ózgertilýine bailanysty reiting jyl boiy jańartylyp otyrady.
Tólqujattar reitinginiń alǵashqy bestiginde Japoniia, Singapýr, Germaniia, Ońtústik Koreia men Finliandiia tur. Máselen, Japoniianyń pasportymen álemniń 191 eline saiahattaýǵa bolady. Úzdik tólqujattar qatarynda sonymen qatar Italiia, Liýksembýrg, Ispaniia, Avstriia, Frantsiia, Irlandiia elderi bar. Tizimniń eń sońynda Irak pen Aýǵanstan ornalasqan.
Al Qazaqstan biylǵy reitingide 70-shi orynnan kórindi. 70-shi orynda sonymen qatar Belarýs pen Qytai tur. Qazaqstan men atalǵan osy eki eldiń azamattary álemniń 75 eline ushyp bara alady eken.
Eske sala ketsek byltyrǵy reitingte Qazaqstan pasporty 67-shi orynnan kóringen edi.
