Elimizdiń syrtqy saiasi vedomstvosy Qazaqstannyń Palestina-Izrail qaqtyǵysyna qatysty ustanymyn bildirdi, dep habarlaidy "Ult aqparat" "QazAqparat" agenttigine silteme jasap.
Keshe Qazaqstan Respýblikasy Premer-Ministriniń orynbasary — Syrtqy ister ministri Murat Nurtileý Palestinadaǵy jaǵdaiǵa arnalǵan Islam yntymaqtastyǵy uiymynyń Syrtqy ister ministrleri keńesiniń tótenshe sessiiasyna qatysty.
Sessiia jumysyna IYU elderiniń, onyń ishinde Saýd Arabiiasy, Kýveit, Katar, Iordaniia, Iran, Túrkiia, Marokko syrtqy saiasi vedomstvolarynyń basshylary qatysty.
SIMK barysynda IYU-ǵa múshe memleketter Gaza sektorynda atysty dereý toqtatýǵa shaqyrdy jáne Palestina-Izrail daǵdarysyn tezirek sheshý qajettigin alǵa tartty.
Murat Nurtileý óz sózinde Gaza sektoryndaǵy uzaqqa sozylǵan gýmanitarlyq apatqa bailanysty erekshe alańdaýshylyq bildirdi.
Odan shyǵýdyń birden-bir joly — áskeri is-qimyldy jaqyn arada toqtatý bolýy múmkin.
Qazaqstan óńirdiń búkil halqy úshin beibitshilik, turaqtylyq pen qaýipsizdikke qol jetkizý úshin kúsh-jigerdi kúsheitýge shaqyrdy, bul aldaǵy qasietti Ramazan aiy qarsańynda erekshe mańyzdy.
«Qazaqstan syrtqy saiasi vedomstvosynyń basshysy kópjylǵy qaqtyǵystyń jalǵyz sheshimi retinde BUU bekitken "eki halyq úshin eki memleket" formýlasy negizinde 1967 jylǵy shekarada Palestina memleketin qurý boiynsha Qazaqstannyń ózgermeitin ustanymyn rastady» deidi SIM baspasóz qyzmetinen.
Is-shara musylman elderiniń Palestina halqymen úndestigin jáne qaqtyǵysty tezirek toqtatý úshin belsendi áreket etýge umtylysyn kórsetti.
