Foto: ashyq derekkóz
Qazaqstandyq Falcon EuroBus kompaniiasy Pákistanǵa 600 dana elektr avtobýsyn jetkizý týraly kelisimge keldi. Kelisim Islamabadta ótken «Qazaqstan–Pákistan» biznes forýmy aiasynda jasaldy, dep habarlaidy Ult.kz.
Alǵashqy avtobýstar biyl sáýir aiynda jóneltiledi. Kommertsiialyq kelisimniń jalpy quny — 108 mln AQSh dollary. Kompaniia 2027–2028 jyldary Pákistanǵa eksport kólemin 2000 avtobýsqa deiin ulǵaitýdy josparlap otyr.
2018 jyly Almatyda qurylǵan Falcon EuroBus búginde eýropalyq standartqa sai elektr jáne dizel avtobýstar shyǵarady. Kásiporyn biyl óndiris qýatyn jylyna 3000 avtobýsqa deiin arttyrýdy kózdeidi.
