Qazaqstanda reformalar tabysty júzege asyrylýda. Bul týraly elordada táýelsiz halyqaralyq baiqaýshylardyń qatysýymen ótken baspasóz máslihatynda Túrkiianyń Qorshaǵan orta jáne ýrbandalý ministriniń keńesshisi Tuǵryl Chamash málim etti, dep habarlaidy QazAqparat.
«Maǵan Qazaqstanda ótip jatqan sailaýdy baiqaý múmkindigi berilgenine qýanyshtymyn. Biyl Qazaqstannyń táýelsizdigine 30 jyl tolady. Qazaqstan júrip ótken jol ońai emes, 30 jyl boiy Qazaqstan óziniń memlekettiligin nyǵaityp keledi. 30 jyl boiy túrli reformalar tabysty júzege asyrylyp keledi», - dedi T. Chamash.
