Niderlandy Koroldiginiń Qazaqstandaǵy elshisi Andrei Karstens QR Beibit jiyndardy uiymdastyrý men ótkizý tártibi týraly zań jobasyna pikir bildirdi, dep habarlaidy QazAqparat.
«Bul zań jobasy óte mańyzdy, sebebi erkindik - qoǵamnyń basty negizi, halyqtyń óz pikirin bildirýge, jinalýǵa, jiyn uiymdastyrýǵa quqyǵy bar. Sońǵy ýaqytta Qazaqstan bul máselelermen belsendi ainalysyp keledi. Qazaqstan Prezidentiniń «Halyq únine qulaq asatyn memleket» bastamasyn kótergeni qýantady. Parlamentten bastap, bul protseske kóptegen adamdar atsalysatyny belgili», - dedi elshi QR Syrtqy ister ministrliginde ótken kezdesýde.
Diplomattyń aitýynsha, zań jobasy boiynsha qazaqstandyqtar ǵana emes, sheteldikter de pikir bildire aldy.
«Mitingke qatysty másele óte ózekti. Barlyq elder osy joldan ótken. Ózge elderdiń tájiribesin zerttep, qandai másele týyndaǵanyn, qandai qatelikter bolǵanyn eskerýge múmkindik bar. Ázirge bul protsess óte jaqsy, qarqynda júrip jatyr. Qazaqstannyń jaqsy sapaly zań jobasyn ázirlei alatynyna senemin. Barlyǵy tájiribege, ortalyq jáne jergilikti organdardyń jumysyna bailanysty», - dedi A. Karstens.
