نيدەرلاندى كورولدٸگٸنٸڭ قازاقستانداعى ەلشٸسٸ اندرەي كارستەنس قر بەيبٸت جيىنداردى ۇيىمداستىرۋ مەن ٶتكٸزۋ تەرتٸبٸ تۋرالى زاڭ جوباسىنا پٸكٸر بٸلدٸردٸ, دەپ حابارلايدى قازاقپارات.
«بۇل زاڭ جوباسى ٶتە ماڭىزدى, سەبەبٸ ەركٸندٸك - قوعامنىڭ باستى نەگٸزٸ, حالىقتىڭ ٶز پٸكٸرٸن بٸلدٸرۋگە, جينالۋعا, جيىن ۇيىمداستىرۋعا قۇقىعى بار. سوڭعى ۋاقىتتا قازاقستان بۇل مەسەلەلەرمەن بەلسەندٸ اينالىسىپ كەلەدٸ. قازاقستان پرەزيدەنتٸنٸڭ «حالىق ٷنٸنە قۇلاق اساتىن مەملەكەت» باستاماسىن كٶتەرگەنٸ قۋانتادى. پارلامەنتتەن باستاپ, بۇل پروتسەسكە كٶپتەگەن ادامدار اتسالىساتىنى بەلگٸلٸ», - دەدٸ ەلشٸ قر سىرتقى ٸستەر مينيسترلٸگٸندە ٶتكەن كەزدەسۋدە.
ديپلوماتتىڭ ايتۋىنشا, زاڭ جوباسى بويىنشا قازاقستاندىقتار عانا ەمەس, شەتەلدٸكتەر دە پٸكٸر بٸلدٸرە الدى.
«ميتينگكە قاتىستى مەسەلە ٶتە ٶزەكتٸ. بارلىق ەلدەر وسى جولدان ٶتكەن. ٶزگە ەلدەردٸڭ تەجٸريبەسٸن زەرتتەپ, قانداي مەسەلە تۋىنداعانىن, قانداي قاتەلٸكتەر بولعانىن ەسكەرۋگە مٷمكٸندٸك بار. ەزٸرگە بۇل پروتسەسس ٶتە جاقسى, قارقىندا جٷرٸپ جاتىر. قازاقستاننىڭ جاقسى ساپالى زاڭ جوباسىن ەزٸرلەي الاتىنىنا سەنەمٸن. بارلىعى تەجٸريبەگە, ورتالىق جەنە جەرگٸلٸكتٸ ورگانداردىڭ جۇمىسىنا بايلانىستى», - دەدٸ ا. كارستەنس.
