«QazMunaiGaz» ulttyq kompaniiasy men basqa da qazaqstandyq munai kompaniialary shikizatty eksportqa jibergen kezde munaidyń shyǵý tegi týraly sertifikatta kebko (Kazakhstan Export Blend Crude Oil) ataýyn kórsetetin boldy. Bul ataý munaidyń Qazaqstannan shyqqanyn bildiredi. Búgingi baspasóz máslihatynda QazMunaiGaz basqarma tóraǵasynyń orynbasary Dáýren Qarabaev osyndai málimet taratty, dep habarlaidy Ulysmedia.kz portaly.
«Maýsym aiynan bastap QMG jáne basqa da qazaqstandyq kompaniialar ilespe qujattarda, munaidyń shyǵý tegi týraly sertifikatta satyp alýshylarda suraqtar týyndamaýy ári munaidyń Qazaqstannan shyqqanyn atap kórsetý úshin KEBKO (Kazakhstan Export Blend Crude Oil) ataýyn kórsetý týraly sheshim shyqty», - dedi ol seisenbi kúni ótken brifingte.
Demek, Dáýren Qarabaevtyń aitýyna qaraǵanda, Reseige qatysty sanktsiialar Qazaqstannyń munai tranzitine áser etpeidi.
«Resei Federatsiiasyna qatysty sanktsiialar qazaqstandyq munaidyń basqa memleketterdiń aýmaǵy arqyly tranzitine áser etpeidi. Bizdiń munai basqa memleketterdiń aýmaǵy arqyly tranzitpen ótse de, sanktsiialarǵa ushyramaidy», - dedi Qarabaev.
Onyń aitýynsha, munai satyp alýshylarǵa túsindirý jumystary júrgizilip jatyr. Jalpy búginge deiin munai satýda problemalar bolǵan joq.
