Saýda jáne integratsiialar ministri Baqyt Sultanov Ortalyq Aziia elderimen taýar ainalymy týraly aityp berdi, dep habarlaidy QazAqparat.
«Ótken jyly Ortalyq Aziia elderimen taýar ainalymy shamamen 4,6 mlrd dollarǵa jetti. Onyń ishindegi eń iri seriktes – Ózbekstan, onda biz shamamen 2,1 mlrd dollarǵa bidai, un, munai jáne munai ónimderin, metaldar men metaldan jasalǵan buiymdar eksporttaimyz», - dedi Saýda ministri Ortalyq kommýnikatsiialar qyzmetinde ótken baspasóz máslihatynda.
Ministrdiń aitýynsha, búginde kooperatsiia aiasynda mashina jasaý ónimderiniń paida bolýy da óte mańyzdy.
«Tájikstanǵa shamamen 800 mln dollar bolatyn bidai, tabiǵi gaz, munai ónimderi, kómir jiberemiz, Qyrǵyzstanǵa – 562 mln dollarǵa baǵalanatyn shamamen osyndai ónim jetkizdik. Importqa kelsek, toqyma, qurylys materialdaryn jáne maýsymdyq jemis-kókónis ónimderin alamyz» - dedi Baqyt Sultanov.
Aita keteiik, QR Saýda jáne integratsiia ministri Baqyt Sultanov halyq aldyndaǵy eseptik kezdesýiniń qorytyndysy boiynsha onlain baspasóz konferentsiiasyn ótkizip jatyr.
