Densaýlyq saqtaý ministri Aleksei Tsoi eldegi epidemiologiialyq jaǵdai optimistik stsenarii boiynsha kele jatqanyn málimdedi, - dep habarlaidy "Ult aqparat".
"Kórip júrgenińizdei, únemi boljamdar jasalady. Keide boljamdar nege ártúrli degen túsinbeýshilik te týady. Eki apta saiyn jańa derekterdi eskere otyryp, ony (boljamdy) jańartamyz, bul durys. Buǵan deiin sáýirdiń sońynda - mamyrdyń basynda jaǵdai turaqtalady dedik. Qazir optimistik stsenarii boiynsha kele jatyrmyz", - dedi Tsoi Nartai Aralbaiulyna bergen suhbatynda.
Densaýlyq saqtaý ministri elde belsendi vaktsinatsiia júrgizilip jatqanyn, bul jalpy statistikaǵa áser etetinin aitty.
"Osy stsenarii boiynsha bolashaqta bul jaǵdaidan shyǵamyz dep úmittenemiz. Qazir kúzge deiin boljam jasalǵan. Sol stsenariidi oryndaý úshin jumys istep jatyrmyz", - dedi vedomstvo basshysy.
