Qazaqstan OPEK + kelisimi boiynsha munai óndirýdi táýligine 500 myń barrelge qosymsha qysqartýdy qoldady, dep habarlaidy "Ult aqparat".
«6 jeltoqsanda Venada OPEK+ VII konferentsiiasy ótti. Onyń aiasynda 2020 jyldyń birinshi toqsanynyń aiaǵyna qarai munaidy táýligine 500 myń barrelge qysqartý týraly sheshim qabyldandy. Qazaqstan bul sheshimdi munai óndirýdi táýligine 17 myń barrelge qosymsha qysqartý boiynsha mindetteme alý arqyly qoldady. Osylaisha, 2018 jylǵy jeltoqsanda qabyldanǵan qoldanystaǵy kelisim boiynsha Qazaqstannyń aǵymdaǵy mindettemeleri kúnine 1,843 mln barreldi quraidy», - delingen habarlamada.
Sondai-aq, shara aiasynda OPEK-ke múshe elder men oǵan kirmeitin elder arasyndaǵy Yntymaqtastyq týraly hartiiaǵa qol qoiý rásimi ótti, bul OPEK+ yntymaqtastyǵyn i institýtsiialandyrýǵa múmkindik beredi. Hartiia OPEK+ elderi arasyndaǵy ózara árekettesýdi uzaq merzimde jaqsartýǵa baǵyttalǵan, munai naryǵynyń negizderin túsinýge, óndirýshi elder men munaidy tutynýshylar arasyndaǵy tiimdi ózara árekettesýge yqpal etedi, sonymen qatar ózgermeli jahandyq energetikalyq balanstaǵy munaidyń rólin kúsheitedi.
Eske sala keteiik, osy jyldyń maýsym aiynda qujatqa OPEK+ Kelisiminiń qatysýshylary Hartiianyń mátinin kelisý boiynsha ishki rásimderdi júrgizý úshin aldyn-ala maquldaǵan bolatyn.
