قازاقستان وپەك + كەلٸسٸمٸ بويىنشا مۇناي ٶندٸرۋدٸ تەۋلٸگٸنە 500 مىڭ باررەلگە قوسىمشا قىسقارتۋدى قولدادى, دەپ حابارلايدى "ۇلت اقپارات".
«6 جەلتوقساندا ۆەنادا وپەك+ VII كونفەرەنتسيياسى ٶتتٸ. ونىڭ اياسىندا 2020 جىلدىڭ بٸرٸنشٸ توقسانىنىڭ اياعىنا قاراي مۇنايدى تەۋلٸگٸنە 500 مىڭ باررەلگە قىسقارتۋ تۋرالى شەشٸم قابىلداندى. قازاقستان بۇل شەشٸمدٸ مۇناي ٶندٸرۋدٸ تەۋلٸگٸنە 17 مىڭ باررەلگە قوسىمشا قىسقارتۋ بويىنشا مٸندەتتەمە الۋ ارقىلى قولدادى. وسىلايشا, 2018 جىلعى جەلتوقساندا قابىلدانعان قولدانىستاعى كەلٸسٸم بويىنشا قازاقستاننىڭ اعىمداعى مٸندەتتەمەلەرٸ كٷنٸنە 1,843 ملن باررەلدٸ قۇرايدى», - دەلٸنگەن حابارلامادا.
سونداي-اق, شارا اياسىندا وپەك-كە مٷشە ەلدەر مەن وعان كٸرمەيتٸن ەلدەر اراسىنداعى ىنتىماقتاستىق تۋرالى حارتيياعا قول قويۋ رەسٸمٸ ٶتتٸ, بۇل وپەك+ ىنتىماقتاستىعىن ي ينستيتۋتسييالاندىرۋعا مٷمكٸندٸك بەرەدٸ. حارتييا وپەك+ ەلدەرٸ اراسىنداعى ٶزارا ەرەكەتتەسۋدٸ ۇزاق مەرزٸمدە جاقسارتۋعا باعىتتالعان, مۇناي نارىعىنىڭ نەگٸزدەرٸن تٷسٸنۋگە, ٶندٸرۋشٸ ەلدەر مەن مۇنايدى تۇتىنۋشىلار اراسىنداعى تيٸمدٸ ٶزارا ەرەكەتتەسۋگە ىقپال ەتەدٸ, سونىمەن قاتار ٶزگەرمەلٸ جاھاندىق ەنەرگەتيكالىق بالانستاعى مۇنايدىڭ رٶلٸن كٷشەيتەدٸ.
ەسكە سالا كەتەيٸك, وسى جىلدىڭ ماۋسىم ايىندا قۇجاتقا وپەك+ كەلٸسٸمٸنٸڭ قاتىسۋشىلارى حارتييانىڭ مەتٸنٸن كەلٸسۋ بويىنشا ٸشكٸ رەسٸمدەردٸ جٷرگٸزۋ ٷشٸن الدىن-الا ماقۇلداعان بولاتىن.
