12 sáýirde OPEK+ munai óndirýshi elder ministrleriniń kezekten tys otyrysy bolyp ótti, dep habarlaidy "Ult aqparat" QR Energetika ministrliginiń baspasóz qyzmetine silteme jasap.
Videokonferentsiia barysynda QR Energetika ministri Nurlan Noǵaev Qazaqstannyń burynǵysynsha syndarly dialogty, sonymen qatar álemdik naryqta oryn alǵan qiyn jaǵdaidy eskere otyryp, óz tarapynan munai óndirý kólemin ujymdyq qysqartý boiynsha sheshimdi qoldaityndyǵyn atap ótti.
«OPEK+ múshe jáne múshe emes memleketterdiń ministrler vebinary nátijesinde munai óndirý kólemin 1 mamyrdan bastap, eki aiǵa táýligine 9,7 mln barrelge qysqartý jóninde kelisimge qol qoiyldy», - dep habarlaidy ministrlikten.
Qazaqstan óz kezeginde kelisimge qatysty konsensýsty qoldady.
