Foto: QR MAM
15 tamyzda Gýanchjoý qalasynda Ońtústik-Qytai kitap jármeńkesi-2025 aiasynda Ortalyq Aziia elderiniń pavilonynyń ashylý rásimi ótti, dep habarlaidy Ult.kz.
Is-sharaǵa Qazaqstan tarapynan Qazaqstan Respýblikasy Mádeniet jáne aqparat ministrliginiń Arhiv, qujattama jáne kitapisi komiteti tóraǵasynyń orynbasary Rollan Quspan jáne Qazaqstan Respýblikasynyń Gýanchjoý qalasyndaǵy bas konsýly Valihan Sarsembekov qatysty.
Jármeńke sheńberinde QR Mádeniet jáne aqparat ministrliginiń, Qazaqstan Respýblikasynyń Qytai Halyq Respýblikasyndaǵy Elshiliginiń, sondai-aq «Beijing Glize Cultural Media Co., Ltd.» kompaniiasynyń qoldaýymen Qazaqstannyń ulttyq pavilony tanystyryldy.
Pavilonda qazaqstandyq jetekshi baspalardyń basylymdary, qytai ádebi shyǵarmalarynyń qazaq tiline jáne qazaqstandyq avtorlardyń shyǵarmalarynyń qytai tiline aýdarmalary, sondai-aq Qazaqstannyń saýda-ekonomikalyq jáne týristik áleýeti týraly aqparattyq materialdar usynyldy.
Ekspozitsiia qytailyq kórermenderdiń zor qyzyǵýshylyǵyn týdyrdy.
Jármeńke aiasynda «Abai joly» keiipkerleri jáne Abai» jáne «Abai. Óleńder men poemalar» atty jańa basylymdardyń tusaýkeseri ótti.
Bul eńbekter uly aqyn murasyn keń oqyrman qaýymǵa nasihattaýǵa baǵyttalǵan. Is-sharaǵa Gýandýn provintsiiasy nasihat departamentiniń ókilderi qatysty.
Ońtústik-Qytai kitap jármeńkesi 15-19 tamyz aralyǵynda ótýde. Jármeńkege Birikken Arab Ámirlikteri, Vetnam, Germaniia, Mysyr, Katar, Qyrǵyzstan, Malaiziia, Niderland, Ózbekstan, Polsha, Singapýr, Tailand jáne Frantsiia elderiniń baspalary men mádeni uiymdary qatysýda.
