Tsifrlyq damý, innovatsiialar jáne aeroǵarysh ónerkásibiministri Asqar Jumaǵaliev bizneske qatysty qyzmetter túrlerin avtomattandyrý jumystary týraly aitty, dep habarlaidy QazAqparat.
«Qyzmet kórsetý protsesin jeńildetý úshin biz qyzmet túrlerinin 80%-dan joǵary avtomattandyrdyq. BUU málimeti boiynsha, biz búgingi tańda onlain qyzmet kórsetý boiynsha álem elderi boiynsha 26-orynda turmyz. Bul aýqymdy jumysty jalǵastyratyn bolamyz. 2020 jyly qyzmet túrlerin avtomattandyrý deńgeii 90%-den kem bolmaidy. Biz qazirgi ýaqytta biznes úshin mańyzdy qyzmetterdi avtomattandyra alatynymyzǵa senimdimiz», - deidi Asqar Jumaǵaliev elordada ótken kásipkerlerdiń sybailas jemqorlyqqa qarsy forýmda.
Ol bizneske qatysty qyzmet kórsetýdi avtomattandyrý máselesine toqtalyp ótti.
«Muny avtomattandyrý úshin biz birqatar zańnamalyq normalar ázirledik. Bizde biznes úshin mańyzdy jáne qajetti, mysaly jer ýchaskesin berý nemese sáýlet boiynsha qyzmetter bar», - deidi ol.
