Búgin Premer-Ministrdiń orynbasary Eraly Toǵjanovtyń tóraǵalyǵymen Koronavirýs infektsiiasynyń taralýyna jol bermeý jónindegi vedomstvoaralyq komissiianyń kezekti otyrysy ótti.
Otyrysta eldegi qazirgi epidemiologiialyq ahýal jáne halyqty jumyspen qamtý maqsatynda qyzmet salalaryn qalpyna keltirý máseleleriqaralyp, naqty sheshimder qabyldandy, dep habarlaidy "Ult aqparat" QR Premer-Ministriniń resmi saityna silteme jasap.
Virýstyń minimaldyq ósim qarqyny aptasyna 2%-ǵa jetpegen óńirlerde:
saýda-oiyn-saýyq ortalyqtarynyń (oiyn-saýyq alańdary, fýdkorttar, kinoteatrlar iske qosylmaidy);
qoǵamdyq tamaqtaný nysandarynyń (50 adamnan astam orynmen);
óndiristik taýarlar dúkenderiniń (2 myń m2 astam);
fitnes-otralyqtary, sport keshenderiniń;
SPA ortalyqtary, monshalar men saýnalardyń;
balalarǵa arnalǵan saýyqtyrý lagerleriniń;
qoǵamdyq kóliktiń (shekteýsiz) qyzmetin iske qosýǵa ruqsat etiledi.
2020 jylǵy 25 mamyrdan bastap Atyraý qalasymen ishki áýe qatynasy iske qosylady.
2020 jylǵy 1 maýsymnan bastap Qazaqstan Respýblikasynyń aýmaǵynda:
kezeń-kezeńmen ishki temir jol qatynasyn iske qosýǵa bailanysty temir jol vokzaldarynyń qyzmeti sanitarlyq normalarǵa sáikes uiymdastyrylady;
qatań sanitarlyq normalardy saqtai otyryp, Qazaqstan kásipodaqtar federatsiiasynyń qonaq úileri men saýyqtyrý sanatoriileri jáne óńirlerdegi kýrorttyq, emdeý-saýyqtyrý nysandary qyzmetin qaita bastaidy;
Qazaqstan azamattaryn shet elderden qaitarý jumysy jalǵastyrylady.
Keńes qorytyndysy boiynsha Premer-Ministrdiń orynbasary E. Toǵjanov birqatar naqty tapsyrma berdi.
