Ólim jazasyna qarsy halyqaralyq komissiia (ÓJHK) Qazaqstannyń ólim jazasynyń kúshin joiýǵa baǵyttalǵan Azamattyq jáne saiasi quqyqtar týraly halyqaralyq paktige Ekinshi Fakýltativtik hattamany ratifikatsiialaýyn quptaidy, dep habarlady Syrtqy ister ministrligi.
ÓJHK prezidenti Navi Pillei óz málimdemesinde Qazaqstannyń Ekinshi Fakýltativtik hattamany ratifikatsiialaýy «onyń ólim jazasyn tolyq joiýǵa degen umtylysynyń halyqaralyq rastaýy bolyp tabylady jáne 2021 jylǵy 29 jeltoqsandaǵy qandai da bir eskertpelersiz elde barlyq qylmystar úshin ólim jazasynyń kúshin joiýdan keiin boldy. Osylaisha, Qazaqstan Ortalyq Aziia óńirin ólim jazasynan ada óńir bolýǵa jaqyndastyratyn mańyzdy qadam jasady. Bul - erekshe sheshim, óitkeni el ÓJHK qoldaý tobynyń mańyzdy múshesi bolyp tabylady. Qazaqstannyń osy tarihi sheshiminiń arqasynda búkil álem ólim jazasyn alyp tastaý burynǵydan da jaqyn» dep atap ótti.
Sonymen qatar, Komissiia QR Prezidenti Qasym-Jomart Toqaevtyń «Jańa Qazaqstan: jańarý jáne jańǵyrý joly» atty Qazaqstan halqyna Joldaýynda aitylǵan, QR Konstitýtsiiasyna ólim jazasyn joiý týraly tiisti túzetýler engizý týraly usynysyn oń baǵalady. «Mundai konstitýtsiialyq túzetý Qazaqstanda ólim jazasynyń kúshin joiýdy odan ári nyǵaitatyny jáne búginde álemde orny joq osy qatygez, adamgershilikke jatpaityn jazaǵa núkte qoiatyny» atap ótildi.
Aita keteiik, Qazaqstan ÓJHK qoldaý tobynyń negizin qalaýshylardyń biri bolyp tabylady. Komissiia jumysyn ólim jazasynyń kúshin joiýdy jaqtaǵan 23 múshe memleketten turatyn geografiialyq ár túrli top qoldaidy. Onyń Hatshylyǵy Madridte ornalasqan jáne Komissiianyń kúndelikti jumysyna jaýap beredi.
