Foto:primeminister.kz
Premer-Ministr Oljas Bektenov Almatyǵa jumys sapary aiasynda indýstriialyq aimaqtaǵy birqatar kásiporynǵa baryp, ol jerdegi investitsiia tartý jáne óndiristi lokalizatsiialaý qarqynymen tanysty, -dep habarlaidy "Ult Aqparat".
Úkimet basshysy "Irrigator Qazaqstan" zaýytynda ónimdilikti kóbeitip, sý únemdeýdi arttyrý maqsatynda aýyl sharýashylyǵy daqyldaryn tamshylatyp sýarýǵa arnalǵan, Izrail tehnologiiasy boiynsha jasalatyn tútiksheler óndirý protsesin qarap shyqty. Al Hyundai Trans Kazakhstan kásipornyna barǵan kezde lokalizatsiialaýdy tereńdetý jáne óndiristiń neǵurlym kúrdeli tehnologiialyq protsesine kóshý josparymen tanysty.
Sondai-aq Astana Motors kompaniiasynyń negizin qalaǵan Nurlan Smaǵulov jumys istep turǵan Hyundai Trans Kazakhstan zaýytynan basqa jylyna 90 myń jeńil avtomobil shyǵara alatyn mýltibrend zaýyty (2025 jyly iske qosý josparlanǵan), avtokólikke arnalǵan qosalqy bólshekter shyǵaratyn úsh zaýyt jáne logistikalyq hab kiretin óndiristik klasterdi damytý josparlary týraly habarlady.
Óz sózinde Oljas Bektenov elimiz myqty avtomobil derjavasyna ainalýy tiis ekenin basa aitty.
"Kim ne aitsa da... Qarsylar men synaýshylar kóp... Qazaqstandyq avtoprom qalyptasty jáne ol ary qaratai damidy. Biz, Úkimet ony barynsha qoldaimyz. Qazaqstan myqty avtomobil derjavasyna ainalýy kerek", -dedi Oljas Bektenov Almatyǵa saparynda.
Kelesi nysanda Premer-Ministrge aýdany 100 myń sharshy metrden asatyn Wildberries jańa logistikalyq taratý ortalyǵynyń qurylysy týraly baiandaldy. Bul bizdiń elimizde júzege asyrylyp jatqan osyndai eki jobanyń biri: ekinshi ortalyq Astanada salynady.
Foto:primeminister.kz
Buǵan qosa, jumys sapary barysynda Úkimet basshysy shaǵyn kásipkerlik sýbektilerin qoldaý maqsatynda arnaiy jumys isteitin Almaty qalasynyń shaǵyn ónerkásip parkteri baǵdarlamasynyń iske asyrylýymen tanysty.
Úkimet basshysy ekonomikanyń basym sektorlarynda jobalardy iske asyratyn biznesti qoldaýdaǵy ákimdiktiń naqty jumysynyń mańyzdylyǵyn atap ótti.
"Prezident óziniń Joldaýynda Úkimetke shaǵyn kásipkerlik sýbektilerin irilendirýdi yntalandyrý týraly tapsyrma berdi. Almaty men jalpy el ekonomikasy úshin biznesti qoldaý ári iskerlik belsendilikti yntalandyrý quraldaryn jetildirý mańyzdy. Indýstrialdy aimaqtar, ásirese shaǵyn ónerkásiptik parkter tiimdi mehanizmge ainaldy. Munda kásipkerler óndiristi óristete otyryp, únemdelgen qarajatty ainalymǵa jibere alady. Jumysty jalǵastyryp, tájiribeni basqa óńirlerge taratý qajet", — dep atap ótti Oljas Bektenov.
Foto:primeminister.kz
Foto:primeminister.kz
Foto:primeminister.kz
