Foto: ashyq derekkóz
TikTok Halyqaralyq mýzeiler kúnine orai Museums Come Alive atty jahandyq jobany iske qosady dep habarlaidy Ult.kz.
Joba aiasynda Qazaqstan da bastamaǵa qosylyp, Qazaqstan Respýblikasynyń Ulttyq mýzeii men Almaty Museum of Arts platformasynda tikelei efirdegi onlain-ekskýrsiialar ótedi.
18 mamyr kúni TikTok qoldanýshylary tanymal kreatorlarmen birge mýzeilerdi onlain aralap, qazaqstandyq óner men tarihi muramen tanysa alady.
Astanadaǵy Qazaqstan Respýblikasynyń Ulttyq mýzeii (@nationalmuseumkz) QR Mádeniet jáne aqparat ministrliginiń qoldaýymen Juldyz Rahmetpen (@zhuldyz_rakhmet) birlesip, TikTok LIVE formatynda onlain-ekskýrsiia ótkizedi. Tikelei efir Juldyz Rahmettiń paraqshasynda 18 mamyr kúni saǵat 17:00-den 19:00-ge deiin ótedi jáne kórermenderge Qazaqstannyń bai tarihyn, mádenieti men tabiǵi murasyn tanytatyn murajaidyń biregei eksponattarmen tanysýǵa múmkindik beredi. Efir barysynda «Altyn adam», arheologiialyq jádigerler, zamanaýi óner týyndylary jáne arnaiy kórmeler kórsetiledi.
Paidalanýshylarǵa yńǵaily bolý úshin TikTok qosymshasynda arnaiy Museums Come Alive paraqshasy paida bolady. Onda efirlerdiń anonstaryn kórip, jobaǵa qatysýshy murajailarmen tanysýǵa jáne kreatorlardyń transliatsiialaryna tikelei ótýge bolady.
TikTok ókilderiniń aitýynsha, joba mádeniet pen ónerdi tsifrlyq format arqyly keń aýditoriiaǵa qoljetimdi etýdi maqsat etedi.
Sonymen qatar Museums Come Alive bastamasyna Museum of Modern Art, Abdeen Palace Museum jáne Pokémon Fossil Museum sekildi álemniń tanymal mýzeileri de qatysady.
