IYU elderi agrarlyq ǵylymdy damytyp, jańa tehnologiialardy engizýi qajet. Bul týraly búgin Islam yntymaqtastyq uiymynyń ǵylym jáne tehnologiialar jónindegi sammitinde Elbasy Nursultan Nazarbaev málim etti, dep habarlaidy QazAqparat.
«Jasyl» tehnologiialardy damytý salasyndaǵy yntymaqtastyq úshin «Jasyl» tehnologiialar men investitsiialar jónindegi halyqaralyq ortalyqtyń múmkindigin paidalanǵan jón. Atalǵan ortalyq úsh ai boiy álem nazaryn elimizge aýdarǵan EKSPO-2017 kórmesiniń bazasynda qurylatyn bolady. EKSPO-2017 halyqaralyq kórmesi elordamyzda «Bolashaq energiiasy» degen taqyryppen ótkenin bilesizder. Oǵan dúniejúziniń 115 memleketi men 22 halyqaralyq uiymy atsalysty. Olardyń arasynda sizderdiń de elderińiz bar. EKSPO kórmesinde energetika salasyndaǵy jańa ideialar, zertteýler men tehnologiialar kórinis tapty. Sammitimizdiń osy kóreminiń aiasynda ótýiniń simvoldyq máni bar dep bilemin», - dedi Prezident.
Budan bólek, N. Nazarbaev IYU elderi úshin agrarlyq salada yntymaqtastyq asa mańyzdy ekenin atap ótti.
«Bárimiz birlesip agrarlyq ǵylymdy damytyp, jańa tehnologiialardy engizýimiz qajet. Bul tek aýyl sharýashylyǵynyń básekege qabilettigin arttyrý emes, budan da tyǵyz integratsiia men azyq-túlik qaýipsizdigin qamtamasyz etý úshin qajet. Islam yntymaqtastyǵy uiymyna múshe memleketterdiń Azyq-túlik qaýipsizdigi jónindegi Islam uiymynyń jumysyn belsendi qoldaityndaryńyzǵa senimdimin. Qazaqstan óz tarapynan azyq-túlikti kóbeitýge, islam elderine ónimdi shyǵarýǵa barlyq jaǵdaiy men múmkinshilikteri bar. Bul uiymynyń shtab-páteri jaqynda Astana qalasynda óz jumysyn bastaityn bolady», - dedi Memleket basshysy
