Prezident Qasym-Jomart Toqaevtyń Túrkiiaǵa memlekettik sapary aiasynda eki el úkimetteri arasynda bilim berý salasyndaǵy yntymaqtastyq týraly kelisimge qol qoiyldy. Bul týraly QR Bilim jáne ǵylym ministri Ashat Aimaǵambetov áleýmettik jelidegi paraqshasynda jazdy.
«Kelisimniń basty baǵyttary: oqytýshylardyń, pedagogterdiń jáne bilim berý uiymdary basshylarynyń tájiribe almasýy; Bilim berý salasynda jańa tehnologiialardy qoldaný boiynsha tájiribe almasý; Ózara negizde bilim alýshylardyń ǵylymi jáne mádeni jobalarǵa qatysýyn yntalandyrý; Ǵylymi zertteýler men konferentsiialar ótkizý; Birlesken baǵdarlamalar negizinde bilim berý mekemeleri arasyndaǵy yntymaqtastyqty damytý; Jastar saiasaty salasyndaǵy yntymaqtastyqty damytý», - dep jazady ministr.
Sonymen qatar, Qazaqstan men Túrkiia óz ýniversitetterinde joǵary jáne (nemese) joǵary oqý ornynan keiingi bilim alý úshin stipendiialar usynady.
Ministr atap ótkendei, sapar barysynda biyl Túrkiiadan Qazaqstanǵa ótetin Halyqaralyq Túrki akademiiasynyń Ǵylymi keńesine tóraǵalyq etý máseleleri talqylandy.
