QR Parlamenti Senatynyń jalpy otyrysynda «Qazaqstan Úkimeti men Túrkiia Úkimeti arasyndaǵy áskeri yntymaqtastyq týraly kelisimdi ratifikatsiialaý týraly» Zańy qabyldandy, dep habarlaidy "Ult aqparat".
Kelisimge 2018 jylǵy qyrkúiekte Ankarada qol qoiyldy.
«Túrkiia Qazaqstannyń mańyzdy ári negizgi strategiialyq seriktesteriniń biri. Osy ýaqytqa deiin eki memleket arasyndaǵy áskeri saladaǵy yntymaqtastyq 1993 jylǵy 8 tamyzdaǵy áskeri bilim salasyndaǵy, sondai-aq 1994 jylǵy 23 aqpandaǵy áskeri ǵylym, tehnika jáne bilim salasyndaǵy yntymaqtastyq týraly kelisimder negizinde júzege asyrylyp keledi. Joǵaryda atalǵan halyqaralyq sharttardyń keibir erejeleri eki memlekettiń qoldanystaǵy zańnamasyna sáikes kelmeidi jáne áskeri saladaǵy is-sharalardy ótkizý boiynsha qarjylyq shyǵystarmen qamtamasyz etý tártibi kózdelmegen. Osyǵan bailanysty áskeri yntymaqtastyq salasynda jańa kelisim jasaý týraly sheshim qabyldanǵan bolatyn», - dedi QR Qorǵanys ministriniń orynbasary Timýr Dándibaev.
Atap aitqanda, qarastyrylyp otyrǵan kelisimniń maqsaty taraptar arasyndaǵy teń quqyqtyq pen ózara tiimdilik qaǵidattary negizinde áskeri yntymaqtastyqty damytýǵa negizdelgen. Kelisim áskeri daiarlyq pen oqytýdy qosa alǵanda, budan buryn qamtylmaǵan birlesken oqý-jattyǵýlardy ótkizý, áýe keńistigi arqyly áskeri múliktiń tranziti, meditsinalyq kómek kórsetý, zań quzyrettiligi, sondai-aq basqa da máselelerdi kózdeidi.
«Túrkiia armiiasynyń álemdegi jaýyngerlik qabileti myqty áskerlerdiń biri ekenin nazarǵa alsaq, bizdiń Qarýly Kúshterimiz Túrkiia áskeriniń tájiribesin zerdeleý men qoldaný úshin yntymaqtastyq tetikterin paidalanýǵa múddeli. Kelisimdi iske asyrý qorǵanys salasynda odan ári jemisti jáne ózara tiimdi yntymaqtastyqty damytýǵa yqpal etetinine senemiz», - dedi ol.
T. Dándibaevtyń sózine qaraǵanda, biyldan bastap Túrkiianyń 16 áskeri qyzmetshisi Qazaqstandaǵy Ulttyq qorǵanys ýniversitetinde arnaiy baǵdarlama boiynsha bilim alýda.
Budan buryn habarlanǵandai, búginde Túrkiiada Qazaqstannyń 34 áskeri qyzmetshisi oqyp jatyr.
