قر پارلامەنتٸ سەناتىنىڭ جالپى وتىرىسىندا «قازاقستان ٷكٸمەتٸ مەن تٷركييا ٷكٸمەتٸ اراسىنداعى ەسكەري ىنتىماقتاستىق تۋرالى كەلٸسٸمدٸ راتيفيكاتسييالاۋ تۋرالى» زاڭى قابىلداندى, دەپ حابارلايدى "ۇلت اقپارات".
كەلٸسٸمگە 2018 جىلعى قىركٷيەكتە انكارادا قول قويىلدى.
«تٷركييا قازاقستاننىڭ ماڭىزدى ەرٸ نەگٸزگٸ ستراتەگييالىق سەرٸكتەستەرٸنٸڭ بٸرٸ. وسى ۋاقىتقا دەيٸن ەكٸ مەملەكەت اراسىنداعى ەسكەري سالاداعى ىنتىماقتاستىق 1993 جىلعى 8 تامىزداعى ەسكەري بٸلٸم سالاسىنداعى, سونداي-اق 1994 جىلعى 23 اقپانداعى ەسكەري عىلىم, تەحنيكا جەنە بٸلٸم سالاسىنداعى ىنتىماقتاستىق تۋرالى كەلٸسٸمدەر نەگٸزٸندە جٷزەگە اسىرىلىپ كەلەدٸ. جوعارىدا اتالعان حالىقارالىق شارتتاردىڭ كەيبٸر ەرەجەلەرٸ ەكٸ مەملەكەتتٸڭ قولدانىستاعى زاڭناماسىنا سەيكەس كەلمەيدٸ جەنە ەسكەري سالاداعى ٸس-شارالاردى ٶتكٸزۋ بويىنشا قارجىلىق شىعىستارمەن قامتاماسىز ەتۋ تەرتٸبٸ كٶزدەلمەگەن. وسىعان بايلانىستى ەسكەري ىنتىماقتاستىق سالاسىندا جاڭا كەلٸسٸم جاساۋ تۋرالى شەشٸم قابىلدانعان بولاتىن», - دەدٸ قر قورعانىس مينيسترٸنٸڭ ورىنباسارى تيمۋر دەندٸباەۆ.
اتاپ ايتقاندا, قاراستىرىلىپ وتىرعان كەلٸسٸمنٸڭ ماقساتى تاراپتار اراسىنداعى تەڭ قۇقىقتىق پەن ٶزارا تيٸمدٸلٸك قاعيداتتارى نەگٸزٸندە ەسكەري ىنتىماقتاستىقتى دامىتۋعا نەگٸزدەلگەن. كەلٸسٸم ەسكەري دايارلىق پەن وقىتۋدى قوسا العاندا, بۇدان بۇرىن قامتىلماعان بٸرلەسكەن وقۋ-جاتتىعۋلاردى ٶتكٸزۋ, ەۋە كەڭٸستٸگٸ ارقىلى ەسكەري مٷلٸكتٸڭ ترانزيتٸ, مەديتسينالىق كٶمەك كٶرسەتۋ, زاڭ قۇزىرەتتٸلٸگٸ, سونداي-اق باسقا دا مەسەلەلەردٸ كٶزدەيدٸ.
«تٷركييا ارميياسىنىڭ ەلەمدەگٸ جاۋىنگەرلٸك قابٸلەتٸ مىقتى ەسكەرلەردٸڭ بٸرٸ ەكەنٸن نازارعا الساق, بٸزدٸڭ قارۋلى كٷشتەرٸمٸز تٷركييا ەسكەرٸنٸڭ تەجٸريبەسٸن زەردەلەۋ مەن قولدانۋ ٷشٸن ىنتىماقتاستىق تەتٸكتەرٸن پايدالانۋعا مٷددەلٸ. كەلٸسٸمدٸ ٸسكە اسىرۋ قورعانىس سالاسىندا ودان ەرٸ جەمٸستٸ جەنە ٶزارا تيٸمدٸ ىنتىماقتاستىقتى دامىتۋعا ىقپال ەتەتٸنٸنە سەنەمٸز», - دەدٸ ول.
ت. دەندٸباەۆتىڭ سٶزٸنە قاراعاندا, بيىلدان باستاپ تٷركييانىڭ 16 ەسكەري قىزمەتشٸسٸ قازاقستانداعى ۇلتتىق قورعانىس ۋنيۆەرسيتەتٸندە ارنايى باعدارلاما بويىنشا بٸلٸم الۋدا.
بۇدان بۇرىن حابارلانعانداي, بٷگٸندە تٷركييادا قازاقستاننىڭ 34 ەسكەري قىزمەتشٸسٸ وقىپ جاتىر.
