Kúni keshe Qazaqstan men Túrkiia arasyndaǵy diplomatiialyq qatynastarǵa 29 jyl toldy. Este bolsa, 1992 jyldyń 2 naýryzynda eki el arasyndaǵy diplomatiialyq bailanystar ornaǵan bolatyn, dep habarlaidy QazAqparat.
Sol jyldyń 21 sáýirinde Túrkiianyń Qazaqstandaǵy diplomatiialyq korpýsynyń basshysy bolyp taǵaiyndalǵan alǵashqy elshisi Argýn Ózpai senim gramotasyn tabystady. Osylaisha, Túrkiia elshiligi Qazaqstan tarihyndaǵy alǵashqy sheteldik diplomatiialyq missiia boldy.
Eki eldiń diplomatiialyq qatynastarynyń 29 jyldyq tarihynda joǵary deńgeidegi saparlar da jii boldy. Atap aitar bolsaq, QR Tuńǵysh Prezidenti – Elbasy Nursultan Nazarbaev alǵashqy resmi saparyn Túrkiiaǵa jasady jáne elimizdi Ankaradaǵy Elshiligin saltanatty túrde ashty. Al túrik tarapynan Túrkiia Premer-ministri Súleiman Demirel Premer-Ministr deńgeiinde Qazaqstanǵa alǵashqy resmi saparymen keldi. Odan keiin 1993 jyldyń sáýirinde sol kezeńdegi Túrkiia Respýblikasynyń prezidenti Týrgýt Ózal Qazaqstanǵa memleket basshysy deńgeiindegi alǵashqy resmi saparmyn jasady.
2009 jyldyń qazanynda Túrkiiaǵa Elbasy Nursultan Nazarbaevtyń resmi sapary barysynda eki el arasynda «Strategiialyq áriptestik týraly kelisimge» qol qoiylsa, 2012 jyldyń mamyrynda sol kezdegi Túrkiia Premer-Ministri Rejep Taiyp Erdoǵannyń Qazaqstanǵa sapary aiasynda «Jańa sinergiia - birlesken ekonomikalyq baǵdarlamanyń is-qimyl jospary» rásimdeldi. Munan bólek, sol jyldyń qazan aiynda Qazaqstannyń Tuńǵysh Prezidenti - Elbasy Nursultan Nazarbaevtyń Túrkiiaǵa resmi sapary kezinde eki el arasyndaǵy «Joǵary deńgeidegi strategiialyq yntymaqtastyq keńesiniń» alǵashqy otyrysy ótti.
Búginde Túrkiia men Qazaqstan arasyndaǵy qarym-qatynastar saýda, investitsiia, mádeniet, týrizm, meditsina, bilim berý jáne áskeri syndy keń aýqymdy salalarda ózara tiimdilik qaǵidasymen damyp keledi. Ekijaqty qarym-qatynastardan bólek, kópjaqty platformalarda da eki baýyrlas el únemi úilesimdilik pen yntymaqtastyqta áreket etedi. Túrki Keńesi, Islam yntymaqtastyq uiymy, Ekonomikalyq yntymaqtastyq uiymy jáne Aziiadaǵy qaýipsizdik pen turaqtylyqty kúsheitýge arnalǵan mańyzdy platforma - AÓSShK siiaqty uiymdar aiasynda de tyǵyz bailanysta.
