كٷنٸ كەشە قازاقستان مەن تٷركييا اراسىنداعى ديپلوماتييالىق قاتىناستارعا 29 جىل تولدى. ەستە بولسا, 1992 جىلدىڭ 2 ناۋرىزىندا ەكٸ ەل اراسىنداعى ديپلوماتييالىق بايلانىستار ورناعان بولاتىن, دەپ حابارلايدى قازاقپارات.
سول جىلدىڭ 21 سەۋٸرٸندە تٷركييانىڭ قازاقستانداعى ديپلوماتييالىق كورپۋسىنىڭ باسشىسى بولىپ تاعايىندالعان العاشقى ەلشٸسٸ ارگۋن ٶزپاي سەنٸم گراموتاسىن تابىستادى. وسىلايشا, تٷركييا ەلشٸلٸگٸ قازاقستان تاريحىنداعى العاشقى شەتەلدٸك ديپلوماتييالىق ميسسييا بولدى.
ەكٸ ەلدٸڭ ديپلوماتييالىق قاتىناستارىنىڭ 29 جىلدىق تاريحىندا جوعارى دەڭگەيدەگٸ ساپارلار دا جيٸ بولدى. اتاپ ايتار بولساق, قر تۇڭعىش پرەزيدەنتٸ – ەلباسى نۇرسۇلتان نازارباەۆ العاشقى رەسمي ساپارىن تٷركيياعا جاسادى جەنە ەلٸمٸزدٸ انكاراداعى ەلشٸلٸگٸن سالتاناتتى تٷردە اشتى. ال تٷرٸك تاراپىنان تٷركييا پرەمەر-مينيسترٸ سٷلەيمان دەميرەل پرەمەر-مينيستر دەڭگەيٸندە قازاقستانعا العاشقى رەسمي ساپارىمەن كەلدٸ. ودان كەيٸن 1993 جىلدىڭ سەۋٸرٸندە سول كەزەڭدەگٸ تٷركييا رەسپۋبليكاسىنىڭ پرەزيدەنتٸ تۋرگۋت ٶزال قازاقستانعا مەملەكەت باسشىسى دەڭگەيٸندەگٸ العاشقى رەسمي ساپارمىن جاسادى.
2009 جىلدىڭ قازانىندا تٷركيياعا ەلباسى نۇرسۇلتان نازارباەۆتىڭ رەسمي ساپارى بارىسىندا ەكٸ ەل اراسىندا «ستراتەگييالىق ەرٸپتەستٸك تۋرالى كەلٸسٸمگە» قول قويىلسا, 2012 جىلدىڭ مامىرىندا سول كەزدەگٸ تٷركييا پرەمەر-مينيسترٸ رەجەپ تايىپ ەردوعاننىڭ قازاقستانعا ساپارى اياسىندا «جاڭا سينەرگييا - بٸرلەسكەن ەكونوميكالىق باعدارلامانىڭ ٸس-قيمىل جوسپارى» رەسٸمدەلدٸ. مۇنان بٶلەك, سول جىلدىڭ قازان ايىندا قازاقستاننىڭ تۇڭعىش پرەزيدەنتٸ - ەلباسى نۇرسۇلتان نازارباەۆتىڭ تٷركيياعا رەسمي ساپارى كەزٸندە ەكٸ ەل اراسىنداعى «جوعارى دەڭگەيدەگٸ ستراتەگييالىق ىنتىماقتاستىق كەڭەسٸنٸڭ» العاشقى وتىرىسى ٶتتٸ.
بٷگٸندە تٷركييا مەن قازاقستان اراسىنداعى قارىم-قاتىناستار ساۋدا, ينۆەستيتسييا, مەدەنيەت, تۋريزم, مەديتسينا, بٸلٸم بەرۋ جەنە ەسكەري سىندى كەڭ اۋقىمدى سالالاردا ٶزارا تيٸمدٸلٸك قاعيداسىمەن دامىپ كەلەدٸ. ەكٸجاقتى قارىم-قاتىناستاردان بٶلەك, كٶپجاقتى پلاتفورمالاردا دا ەكٸ باۋىرلاس ەل ٷنەمٸ ٷيلەسٸمدٸلٸك پەن ىنتىماقتاستىقتا ەرەكەت ەتەدٸ. تٷركٸ كەڭەسٸ, يسلام ىنتىماقتاستىق ۇيىمى, ەكونوميكالىق ىنتىماقتاستىق ۇيىمى جەنە ازيياداعى قاۋٸپسٸزدٸك پەن تۇراقتىلىقتى كٷشەيتۋگە ارنالعان ماڭىزدى پلاتفورما - اٶسشك سيياقتى ۇيىمدار اياسىندا دە تىعىز بايلانىستا.
