Qazaqstan Premer-Ministriniń orynbasary – Syrtqy ister ministri Muhtar Tileýberdi «Turkish Aerospace Industries» (TAI) aeroǵarysh jáne qorǵanys-ónerkásip kompaniiasynyń bas direktory Temel Kotilmen kezdesti, dep habarlaidy "Ult aqparat" Syrtqy ister ministrliginiń baspasóz qyzmetine silteme jasap.
Taraptar Qazaqstan men TAI kompaniiasy arasyndaǵy yntymaqtastyq perspektivalaryn, sonyń ishinde kompaniianyń mashina jasaý, ónerkásip jáne aeroǵarysh salasyndaǵy jobalarǵa qatysýyn, sondai-aq birlesken óndiris qurý men tehnologiialar transfertin qurý múmkindikterin talqylady.
T.Kotil birlesken investitsiialyq jobalardy júzege asyrý múmkindigin atap ótip, ekijaqty yntymaqtastyqqa qyzyǵýshylyǵyn bildirdi.
Kezdesý qorytyndysy boiynsha jemisti yntymaqtastyqty jalǵastyrý týraly ýaǵdalastyqqa qol jetkizildi.
«TAI» ózindik integratsiialanǵan júielerdi jobalaýmen, ázirleýmen jáne óndirýmen ainalysatyn jetekshi túrik aeroǵaryshtyq kompaniiasy.
Kompaniia biregei jabdyqtyń iri halyqaralyq óndirýshiler úshin óndiristik alań bolyp tabylady jáne 5 negizgi biznes-segmentterde jumys isteidi: ushaqtar, tikushaqtar, pilotsyz ushý apparattary, ǵarysh júieleri, aeroqurylymdar.
