Foto: Aqorda
Qazaqstanǵa memlekettik saparmen kelgen Túrikmenstan Prezidenti Serdar Berdimuhamedovpen kelissózder ótti, dep habarlaidy Ult.kz.
Búgin Astanada Memleket basshysy Qasym-Jomart Toqaev Qazaqstanǵa memlekettik saparmen kelgen Túrikmenstan Prezidenti Serdar Berdimuhamedovpen keńeitilgen quramda kelissózder júrgizdi.
Kezdesý barysynda eki el arasyndaǵy strategiialyq seriktestik, saýda-ekonomikalyq bailanystar jáne mádeni-gýmanitarlyq yntymaqtastyqty odan ári nyǵaitý máseleleri talqylandy.
Prezident Qasym-Jomart Toqaev Túrikmenstandy Qazaqstannyń eń jaqyn kórshisi ári ǵasyrlar boiǵy dostyq pen ortaq tarihpen bailanysty baýyrlas memleket ekenin atap ótti.
«Eki el arasyndaǵy saýda-sattyq pen ekonomikalyq yqpaldastyq joǵary qarqynmen damýda. Búgin kún tártibindegi mańyzdy máselelerdiń sheshimin birge tabamyz dep senemin», – dedi Memleket basshysy.
Óz kezeginde Serdar Berdimuhamedov qazaq jerindegi qonaqjailyq úshin alǵys aityp, Túrikmenstan men Qazaqstan qarym-qatynasynyń dostyq pen baýyrlastyq qaǵidattaryna negizdelgenin atap ótti.
«Búginde memleketterimizdiń bailanysy saiasi-diplomatiialyq, saýda-ekonomikalyq jáne mádeni-gýmanitarlyq salalarda belsendi damyp keledi», – dedi ol.
Túrikmenstan basshysy túrikmen halqynyń Ult kóshbasshysy Gýrbangýly Berdimuhamedovtiń sálemi men izgi tilegin de jetkizdi.
Kelissóz nátijeleri boiynsha birqatar qujattarǵa qol qoiylýy jáne eki el arasyndaǵy áriptestikti tereńdetýge baǵyttalǵan jańa bastamalar jariialanýy kútilýde.
