Búgin «Astana» halyqaralyq qarjy ortalyǵynda QR Premer-Ministri Asqar Mamin Almaty oblysyndaǵy G4 City – jańa qalasyn damytýdyń jańartylǵan sheberlik-josparymen tanysty, dep habarlaidy primeminister.kz.
Megapolis Almaty – Qapshaǵai trassasynyń boiynda ornalasady jáne tórt aýdannan turady: Gate District – iskerlik jáne qarjy ortalyǵy, Golden District – bilim jáne meditsinalyq hab, Growing District – ónerkásiptik jáne logistikalyq hab, Green District – týrizm jáne oiyn-saýyq.
G4 City-ge arnaiy ekonomikalyq aimaq mártebesi beriledi. Halyqaralyq áýejai salyp, Singapýrmen tikelei áýe qatynasyn ashý josparda bar.
G4 City Ortalyq Aziianyń jańa ekonomikalyq habyna ainalyp, Qazaqstan ekonomikasyna túsetin sheteldik investitsiialardyń odan ári ósýine eleýli serpin beredi dep kútilip otyr.
2050 jylǵa qarai megapolis aýmaǵynda 2,2 mln adam turyp, 1 mln-nan astam jumys orny qamtamasyz etiledi.
Qazirgi ýaqytta Gate District-te magistraldyq injenerlik jeliler júrgizilgen, «Qoianqus» turǵyn aýdany salynyp jatyr.
3,5 jyl ishinde keminde 300 myń sharshy metr turǵyn úi salý josparlanyp otyr.
G4 City-di damytýmen singapýrlyq «Surbana Jurong Group» memlekettik kompaniiasy ainalysady.
Bul - qalalar men infraqurylymdy damytý máseleleri boiynsha Aziiadaǵy eń iri korporatsiialardyń biri.
Ol Singapýrdyń Temasek Holdings táýelsiz qoryna tiesili, onyń 16 myń qyzmetkeri bar, álemniń 40 elinde qyzmet kórsetedi.
Kompaniia Singapýrda 1 mln-nan astam úidi damytýmen ainalysty, 30 el úshin bas jospar ázirledi, 100-den astam indýstriialyq parkterdi jobalady.
Tanystyrylym qorytyndysy boiynsha qazaqstandyq «Caspian Group» AQ kompaniiasy men «Surbana Jurong Group» arasynda G4 City jobasyn iske asyrýda yntymaqtastyqty odan ári jalǵastyrý týraly kelisimge qol qoiyldy.
